امریکہ ءِ آمیدگس ءَ نامی شنگکاری جاہ سی این این ءِ گوستگیں پروڈیوسر جان گریفن کسان سالیں جنکوئے ءِ گون ءَ سلکاری ءِ کنگ ءِ بھتام ءَ نوزدہ سال ءِ بندیگ بوگ ءِ سزا گوشدارینتگ-
درملکی ھال سرکنوکیں ادارہ ءِ رد ءَ سی این این ءِ گوستگیں پروڈیوسر چل ءُ ھپت سالی ئیں جان گریفن دو سال ءَ پیش چاگردی ترامجاھاں مھر کنگ ءَ یک زالبولے ءَ وتی لوگ ءَ لوٹائینتگ بیتگ چریشی ءَ اود ءَ آئی ءِ کسان سالیں جنکو ھم بیتگ-
زالبول ءُ آئی ءِ نُھ سالیگیں جنکو ءَ ھمود ءَ جَل اتگ ءُ ھمے وھد ءَ جان گریفن ءَ جنکو ءِ گون ءَ جنسی زوراکی کتگ ءُ جنکو ءَ وتی ماس ءَ را گشتگ ءُ اود ءَ پد ءَ پولیس ھال دیگ بیتگ-
جان گریفن ءَ سال دوھزار ءُ بیست ءُ یک ءَ آمیدگس ءِ دیم ءَ جرم نہ من اتگ، بلے مھکمیں منانک ءُ دیدانی سبب ءَ جان گریفن ءِ گور ءَ ابید جرم ءِ منگ ءَ دگہ ھچ راہ پش نہ کپتگ-
دسمبر دوھزار ءُ بیست ءُ دو ءَ چل ءُ ھپت سالیگیں جان گریفن ءَ آمیدگس ءِ دیم ءَ وتی جرم من اتگ ءُ آ پد ءَ دزگیر کنگ بیتگ – دزگیری ءَ پد سی این این ءَ پروڈیوسر جان گریفن چہ نوکری ءَ کش اتگ-
آمیدگس ءَ گریفن ءَ را نوزدہ سال ءِ بندیگ ءَ ابید سانمندیں زھگ ءَ را زر دیگ ءِ ھم ھکم داتگ بیتگ ءُ پولیس ءَ را اے ھکم دیگ بیتگ یل بیگ ءَ پد جرمکارا آیوکیں پانزدہ سالاں داں نگاھداری بہ کن ات-
آمیدگس ءَ گوشتگ کہ جرمکار ءَ کجام ھم ھژدہ سال ءَ کم زھگانی گون ءَ ایوک ءَ گندوگ ءَ میل ایت-