سربوتگیں ھالانی رِد ءَ بلوچستان ءِ دمگ مستونگ ءَ ناشناسیں مردماں یوفون کمپنی ءِ موبائل ٹاور ءِ مانداشتگ –
گیشیں ھالانی رِد ءَ ناشناسیں مردماں مستونگ ءِ ھند کابو ءَ یوفون کمپنی ءِ موبائیل ٹاور تیر جتگ ءُ پدا رند ءَ مانداشتگ –
دمگی مردمانی رِد ءَ اُرش ءَ پد اے کمپنی ءِ سروس بند بوتگ –
زانگ بہ بیت بلوچستان ءَ چیزے وھد بیت موبائیل کمپنیانی سر ءَ اُرشانی تہ ءَ گیشی اتکگ وھدیکہ اشانی تباہ کنگ ءِ زمہ واری ءَ گیشتر بلوچ آجوئی لوٹوکیں گل من انت –
آجوئی لوٹوکیں گلانی گوشگ انت کہ اے کمپنی پوج ءِ کمک کاری ءَ کنگ ءَ انت ءُ بلوچ سرمچارانی چاریگری ءَ کارمرز بوگ ءَ انت –