روکپتی بلوچستان ءِ دمگ پشین ءَ درمان جاہ ءَ ناشناسیں سلاہ بندیں مردمانی تیرگواری ءَ رودراتکی بلوچستان ءِ جھمنند بیران –
گیشین اھوالانی رد ءَ مگرب ءِ وھد ءَ ناشناسیں مردماں درمان جاہ ءَ تیرگواری کنان ءَ ڈاکٹر شاکر مراد ء مراد مھمد کُشتگ-
اھوالانی رد ءَ ڈاکٹر شاکر مراد رودراتکی بلوچستان ءِ دمگ تمپ پل آباد ءِ جھمنند اِنت ءُ گوستگیں وھد ءَ پاکستانی لشکر ءِ زوراکیانی سبب ءَ روکپتی بلوچستان ءَ شتگ بیتگ-
زانگ بہ بیت گوست ءَ ھم ردراتکی بلوچستان ءِ جھمنند ماں روکپتی بلوچستان ءَ ھمے ھساب ءَ نشانگ کنگ ءُ کُشگ بیتگ اَنت-
بلوچستان ءَ بندوکیں سیاسی پھناتانی گوشگ اِنت کہ اے دابیں کوشاں پاکستان ءِ چیریں ادارھانی نیمگ ءَ جوڑ کرتگیں گل کہ لس نام ءَ ’ڈیتھ اسکواڈ ‘ ءِ نام ءَ زانگ بیت اِنت کہ اے کوشاں ھوار اِنت-
گوست ءَ ھم روکپتی بلوچستان ءَ رودراتکی بلوچستان ءَ سیادی داروکیں لڈ ءُ بار کرتگیں سیاسی ءُ لس سیاسی مردم نشانگ کنگ بیتگ اَنت-