یوکرین ءِ جنگ ءَ روس ءِ دَہ ھزار بندیگ چون کُشگ بیتگ اَنت

روس ءِ باڑو داریں فوجیانی ٹولی ویگنر ءِ سروک ءَ گوشتگ کہ یوکرین ءِ یوکرین ءَ جنگ ءَ دیم دیگ بیتگیں دَہ ھزار بندیگ بیران بیتگ اَنت-

فرانسیسی ھال سرکنوک اے ایف پی ءِ رد ءَ ویگنر ءِ ھیڈ یوگوزن پریگوزن ءَ گوشتگ کہ گوستگیں سال ءَ روسی زندانانی تر ءُ تاب کتگ بیتگ ءُ زندانیاں گوشتگ کہ مارا یوکرین ءِ جنگ ءَ راہ بہ دے ات اگاں آ زندگ بیر اَنت گڑا آ یل کنگ بہ بنت-

گوشگ بوگ ءَ اِنت کہ اے زندانی یوکرین ءَ دیم ءَ بیتگ اَنت ءُ ھما داب ءَ کارمرد کنگ بیتگ انت ءُ ویگنر ٹولی ءِ درستاں گیشتریں مرتگین بیتگ اَنت-

ویگنر ٹولی ءِ سروک ءَ یک تامر بندے ءَ گوشتگ کہ پنجاہ ھزار بندیگیں مردم برگ بیتگ اَنت کہ ایشانی توک ءَ بیست درسد جنگ بیتگ اَنت-

آئی ءَ گوشتگ کہ ھمے درچ ءَ ویگنر ءِ گون ءَ کنٹریکٹ کنوک ھم کشگ بیتگ اَنت بلے آئی ءَ کچ نہ گوشتگ اَنت-

روس ءِ لشکر ءَ لھتے روچ پیش گوشتگ ات کہ رودراتکی یوکرین ءِ شھر باخموت دستیگ کتگ، بلے یوکرین ءَ گوشتگ ات کہ جنگ داں انگت ءَ برجاہ اِنت-

ویگنر ءِ سروک ءَ بازیں کچے ءَ جانی تاوانانی بارو ءُ گوشتگ ات کہ روس ءِ وزیر دفاع ءُ چیف آف جنرل اسٹاف ھردوک بے پائدگ اَنت کشگ بیتگیں دَہ ھزاریں سیاد اَنت بوت کنت ایشانی کچ لَکانی ھساب ءَ شت کنت ءُ ما ایشی ءِ سر ءَ بے توار بوت نہ کن ایں-

آئی ءَ روس ءِ ملٹری ایلیٹ ءَ گوشتگ کہ آ وتی زھگاں جنگ ءَ دیم بہ دنت-

روس ءِ سروک ءِ نزیکترین مردم یوگوزن پریگوزن ءَ گوشتگ آیانی مردم یک جون ءَ باخموت ءَ واتر بنت ءُ کنٹرول ءَ روس ءِ پوج ءِ ھوالگ ءَ دے اَنت-

مئی ءِ ماہ ءَ داں امریکہ ءَ گوشتگ ات کہ رودراتکی یوکرین ءُ گیشتر باخموت ءَ پنچ ماہ ءِ توک ءَ بیست ھزار روسی پوجی جنگ بیتگ اَنت ھشتاد ھزار زدگ کنگ بیتگ اَنت-