چھبار: جنکانی دو وانگجاھانی سر ءَ “زھر ” چنڈگ بیتگ، چریشی ءَ نودربر بے ھوش

سر بیتگیں ھالانی رد ءَ روکپتی بلوچستان ءِ تیابدپی شھر چھبار ءَ جنکانی دو وانگجاھانی سر ءَ زھر چنڈگ بیتگ ءُ چریشی ءَ نودر بے ھوش بیتگ اَنت-

گیش سر بیتگیں اھوالانی رد ءَ چھبار ءَ ریھانہ وانگجاہ ءَ کمب چھبار ءَ دو دو وانگجاھانی سر ءَ زھر چنڈگ بیتگ ءُ چریشی ءَ نودر کپتگ ءُ تُستگ اَنت-

بے ھوش بیتگیں نودربر امام علی نادراہ جاہ چھبار ءَ برگ بیتگ اَنت-

لس مھلوک ءِ گوشگ اِنت کہ اے زھر سرکار ءِ نیمگ ءَ چنڈگ بیتگ اَنت ءُ چریشی ءَ چہ سرکاری واکدارانی بگیر گوست ءَ ھمے وانگجاھان کرتگ ءُ ھمے ھاترا اے وانگجاھانی سر ءَ زھر چنڈگ بیتگ اَنت-

زانگ بہ بیت گوستگیں لھتے ماھاں پیش چھبار، زاھدان، ایرانشھر ءُ سیستان و بلوچستان ءِ دگہ وانگجاھانی سر ءَ ھم اے دابیں وئیل پیش اتکگ بیتگ اَنت ایشی ءَ ابید ایران ءِ دگہ اُستاناں ھم چوشیں وئیل پیش اتکگ بیتگ انت کہ اود ءَ برانز گپتگیں نودربرانی ایر موش کنگ ءَ اے دابین گامگیج زورگ بیتگ اَنت-

اے دابین زھر چنڈیانی سر ءَ ایران ایمنسٹی انٹرنیشنل ءَ ھم وتی درشانان پدر کرتگ ءُ گوشتگ کہ سرکار ءِ نیمگ ءَ اے دابیں گامگیج جوان نہ اَنت-