ھب ءِ کور ءَ جانشودگ ءَ دو ورناہ بُکّ اِتگ ءُ بیران بیتگ اَنت

ھب ءِ کور ءَ دو ورناہ بُکّ اِتگ ءُ بیران بیتگ اَنت- واکداراں لاش در کتگ اَنت ءُ ھب ءِ نادُراھجاہ برتگ اَنت، گیشیں چار ءُ ٹپاس ءَ پد لاش کھول ءِ دست ءَ دیگ بیتگ اَنت-

بیران بیتگیں مردم کراچی ءِ دمگ لیاری ءِ جھمنند بیتگ اَنت- زانگ بہ بیت گوستگیں چِل ءُ پنچ روچ ءَ پیسر ھب ءِ کور ءَ مردین ، زالبول ءُ چُکاں ھوار دوازدہ مردم ءَ گیش مردم بُکّ اِتگ ءُ بیران بیتگ اَنت ایشی ءَ اَبید ھب انتزامیہ ءِ نیمگ ءَ چہ کور ءَ جان شودگ ءِ پابندی جنگ بوگ ءَ نہ اِنت-

ایشی ءَ ساری گوستگیں یکشمبے ءَ ھب ءِ کور ءَ جان شودگ وھد ءَ دو ورناہ جُھلیں گورم ءَ بُکّ اِتگ اَنت-

ھب ءِ دمگی اِھوالکار رِد ءَ کور کراچی ءُ ھب شھریانی واستا ائید ءَ ھوار دگہ وشیاں پکنک ءِ جاھے بلے اے میان ءَ کور ءَ بازیں مردمے کُشتگ- اے دُرستیں وئیلاں اَبید انتزامیہ ءِ نیمگ ءَ ھچ وڑیں گامگیج زورگ نہ بیتگ اَنت –