زاھدان: جتا جتائیں وئیلانی تہ ءَ دو مردم بیران ءُ یکے زدگ بیتگ

زاھدان ءَ تیرگواری ءَ یک مردمے بیران ءُ چھبار ءَ دگ ءِ وئیل ءَ یک براتے بیران ءُ دومی زدگ بیتگ –

روکپتی بلوچستان ءِ بنجاھی شھر زھدان ءَ سلاہ بندیں مردماں تیرگواری کنان ءَ یک مردمے کُشتگ –

کُشگ بیتگیں مردم ءِ پجار صاحب خان قادر قنات ءِ نام ءَ زانگ بیتگ ءُ آ شیر آباد ءِ جھمنند گوشگ بوگ ءَ اِنت –

اے وئیل گوستگیں شپ ءَ پیر بخش میتگ ءَ پیش اتکگ کہ اود ءَ سلاہ بندیں مردماں تیرگواری کنان ءَ صاحب خان کُشتگ ءُ پشت اشتگ ءُ شتگ اَنت-

ھالانی رد ءَ گوشگ بیتگ کہ کوشکاراں صاحب خان کُشتگ ءُ پد ءَ تتکگ ءُ شتگ انت کہ آیانی بارو ءَ دگہ ھچ سرپدی نہ بیتگ اَنت-

ھمے وڑ ءَ روکپتی بلوچستان ءِ تیابدپی شھر چھبار ءَ دگ ءِ وئیل ءَ یک مردمے بیران ءُ بیتگ-

بیران بیتگیں مردم ءِ پجار آصف پاھنگ ءُ زدگ بیتگین نام طارق پاھنگ ءِ نام ءَ زانگ بیتگ کہ ھردوک فقیر مھمد ءِ زھگ گوشگ بوگ ءَ اَنت-

ھالانی تہ ءَ گوشگ بیتگ کہ طارق زدگیں جاوراں امام علی نادراہ جاہ چھبار ءَ برگ بیتگ ءُ اود ءَ آئی ءِ جاور ناگیگ گوشگ بوگ ءَ اَنت-