بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ بی ایل ایف ءِ سرمچاراں دہ اپریل 2023 ءَ چتکان، پنجگور ءِ سونار مارکیٹ ءَ ریاستی چاریگ عبدالغفور ء بھرام جھمنند دز پروم نشانگ کتگ-
آئی ءَ گْوشتگ کہ عبدالغفور ھاسیں ریاستی چاریگے بیتگ، آ یک دْراجیں مدتے ءَ چہ پاکستانی پوج ءِ چیردستی ءَ یک ڈیتھ اسکواڈ ءِ سروکی ءَ ھم کنگ ءَ بیتگ، دمگ ءَ کُشتکُشار، زر گرگ، دُزی ءُ منشیات باپاری ءَ ھوار چاگردی سلّکیاراں ھمگرنچ بیتگ- اشی ءَ اَبید آ پاکستانی پوج ءِ گْوشگ پد ءَ بلوچ آجوئی لوٹوکیں گلانی باسکانی سیاد ءُ وارسانی کُشگ ءُ لشکر ءُ چیریں ادارھانی دست ءَ آیاں دزگیر کنگ ءُ زورانسری آوار جنی ءِ وڑیں بلاھیں جُرم ءَ ھم ھمگرنچ بیتگ-
جارکش ءَ دیمتر ءَ گْوشتگ کہ عبدالغفور بدنّامیں زمانگ ءِ ریاستی چاریگ خدا رحم پنّام ءِ بجو گوم ءَ ھوار بیتگ ءُ یک سلاہ بندیں ٹولی یے جوڑ کتگ چریشی ءَ پروم ءُ اشی ءِ کش گوراں سے رند ءَ مئے سرمچارانی نشانگ کنگ ءِ جُھد کتگ، اشاں سیزدہ اکتوبر 2021 بی آر اے ءِ سرمچار مراد پنّام ءِ حلال ء عبدوست جھمنند کلاھو تیرجتگ ءُ کُشتگ- 2022 ءَ پروم بسد ءَ ھمے ٹولی ءَ سرمچارانی سر بستگ ءُ اُرش کتگ چریشی ءَ دو سرمچار ٹپی بیتگ-
جارکش ءَ گْوشتگ کہ ھشت مارچ 2023 ءَ پروم بسد ءِ میڑ ءَ عبدالغفور ءِ ٹولی تچکی ءَ ھوار بیتگ چریشی ءَ ریاستی چاریگ فقیروک جنگ بیتگ اَت، ھمے ٹولی ءَ پروم ءَ راہ سر ءَ نشتگ اَنت کہ اود ءَ مردماں چہ زورانسری زر گر اَنت زورگریں لشکر ءِ گوم ءَ بھر ءُ بانگ اِش کن اَنت-
گُڈی ءَ جارکش ءَ وتی درشان ءِ تہ ءَ گْوشتگ کہ اے ٹولی ءِ سرجمیں چاریگانی نام ءُ اشانی جرمانی منّانک گل ءِ کر ءَ ھست اَنت- اگاں آ بلوچ راج ءُ جُھد ءِ آجوئی ءِ بگیری ءَ جرمکاری ءَ دستکش نہ بیت اَنت گُڑا ھم ھمے وڑ کنگ بنت-