مولانا نقشبندی کانون ءِ تک ءَ توار پر کنگ بیتگ ءُ پد ءَ پرچا گار کنگ بیتگ؟- راسک ءِ نیکراھی وانگ جاہ ءِ سروک

روکپتی بلوچستان ءِ دمگ راسک ءَ ایرانی شیعہ کمیونٹی ءِ آمیدگس ءَ سنی کمیونٹی ءِ عالم دین پیش بیگ ءِ ھکم داتگ ءُ چریشی ءَ پد آ بیگواہ کنگ بیتگ-

ھمے وڑ ءَ راسک ءِ نیکراھی وانگ جاہ ءِ استاداں گُشتگ کہ عبدالغفار نقشبندی ماں مشھد ءَ شیعہ کمیونٹی ءِ آمیدگس ءَ پیش بوگ ءِ ھکم داتگ ءُ پد ءَ آ بیگواہ کنگ بیتگ-

آیاں گوشتگ کہ عبدالغفار نقشبندی ءَ بس ایرانی پولیس ءِ دست ءَ جنسی زوراکی کنگ بیتگیں ماھو بلوچ ءَ انساپ بہ دے اَنت ایشی ءِ پژدر ءَ آ گرگ ءُ بیگواہ کنگ بیتگ-

آیاں گوشتگ کہ ایشی ءِ ھواری ءَ راسک ءِ نیکراھی وانگ جاہ ءِ نودربر جتا جتائیں بیھارانی دیمپان اَنت کہ آیاں چیریں ادارہ بیگواہ کنگ ءِ بیھار ءَ دیگ ءَ اَنت چریشی ءَ یک ترسے ءَ مانشانتگ باید اے وڑیں وئیل بند کنگ بہ بنت –

ھمے وڑ ءَ گوستگیں روچ ءَ مولانا عبدالغفار نقشبندی ءِ کارگس ءَ شنگ بیتگیں درشانے ءَ گوشگ بیتگ کہ چار ماھانی توک ءَ پانزدہ مردم آئی ءِ نزیکیں کھول ءُ مردم گرگ ءُ بیگواہ کنگ بیتگ اَنت-

درشان ءَ گوشگ بیتگ کہ مولانا عبدالغفار ھم پہ پیش بوگ ءَ لوٹائینگ بیتگ ءُ پد ءَ آ بیگواہ کنگ بیتگ-

درشان ءَ مولاناعبدالغفار ءَ ھوار درستیں مردمانی یل کنگ ءِ لوٹ کنگ ءُ انساپ ءِ لوٹ کتگ اَنت-