شال ءَ بمب اُرش ءُ بلیدہ ءُ چاریگ ءِ زمہ واری ءَ منیں – بی ایل اے

بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں وتی درشان ءَ گوشتگ کہ بی ایل اے ءِ سرمچاراں شال ءُ بلیدہ ءَ سَے جتا جتائیں اُرشاں ایس ایچ او ءِ گاڑی ءِ سر ءَ بمب اُرش، بلیدہ ءَ دشمن ءِ کارندہ ءُ ڈیم ءَ ٹھیکیدار سلاہ بندیں اُرش کتگ اَنت، چریشی ءَ یک کارندھے مرتگ ءُ چار پولیس کارندھاں ھوار یک کارندھے زدگ بیتگ –

آئی ءَ گوشتگ کہ بی ایل اے ءِ سرمچاراں مروچی شال ءَ دومی اُرش ءَ سریاب دگ ءِ نزیک ءَ منیر مینگل ءِ دگ ءَ ایس ایچ او سریاب احسان اللہ مروت ءِ گاڑی ءِ سر ءَ ھما وھد ءَ آئی ای ڈی ءِ نشانگ کتگ کہ آ گشت ءَ بیتگ-

جارکش ءَ گوشتگ کہ تراک ءِ آسر ءَ ایس ایچ او ءَ ھوار چار کارندہ زدگ بیتگ اَنت ءُ آیانی گاڑی ءَ تاوان رس اتگ-

آئی ءَ گوشتگ کہ بی ایل اے ءِ سرمچاراں گوستگیں روچ ءَ بلیدہ ءِ ھند گلی بلیکوھی گز ءِ ھند ءَ سلاہ بندیں اُرش ءَ زورگریں پاکستانی پوج ءُ چیریں ادارھانی نیمگ ءَ جوڑ کنگ بیتگیں سلاہ بندیں کارندہ جمیل مراد ء مراد بخش کُشتگ-

آئی ءَ گوشتگ کہ اے مرد دشمن ءِ گوشگ ءِ سر ءَ بلوچ جھدکارانی بگیری ءَ پرکار بیتگ، بلوچ جھدکارانی راھانی شون دیگ ءَ ھواد دمگ ءَ پوج ءِ چیردستی ءَ مھلوک ءِ ترسینگ ءَ ھوار بیتگ ءُ دمگ ءَ سلاہ بندیں مردمانی کمک ءَ دزمانجن بیتگ-

آئی ءَ گوشتگ کہ یک دگہ اُرشے بلوچ لبریشن آرمی ءِ سرمچاراں بلیدہ گلی ءَ تاپک ڈیم ءِ ٹھیکیدار ءِ سلاہ بندیں اُرش کتگ ءُ اے ڈیم پوج ءِ گوشگ ءَ جوڑ بوگ ءَ اِنت ءُ ایشی ءِ چار ءُ گزار ءَ ایف ڈبلیو او کنگ اِنت-

جارکش ءَ گوشتگ کہ ات ڈیم ہوج ءِ مکسد ءِ واستا تیار بوگ ءَ اِنت ءُ ھمے مکسد ءِ پد ءَ بازیں درملکی مھلوک آرگ بیتگ اَنت-

جیئند بلوچ ءَ گوشتگ کہ بی ایل اے اے وڑیں پلپھانچی پراجیکٹاں ھواریں مردماں سرپد کنت کہ آ اے وڑیں پراجیکٹاں دزکشی بہ کن انت ءُ پلپھانچی دراھیں پراجیکٹ مئے نشانگ ءِ توک ءَ اَنت-

آئی ءَ گوشتگ کہ بلوچ لبریشن آرمی ھرسئیں اُرشانی زمہ واریاں من ایت ءُ داں آجوئی ءِ رھبندانی رد ءَ پوج ءُ آئی ءِ ھواریں کارندھانی سر ءَ یکشلیں اُرشاں برجاہ دار ایت-