بلوچ لبریشن آرمی ءِ جارکش جیئند بلوچ ءَ رسانکدران شنگ کتگیں وتی درشان ءَ گوشتگ کہ مئے سرمچاراں مروچی شال ءَ سپرٹنڈنٹ آف پولیس ءِ گاڑی آئی ای ڈی ءِ نشانگ کتگ چریشی ءِ آسر ءَ دو پولیس کارندہ مرتگ ءُ بازینے زدگ بیتگ اَنت-
جارکش ءَ گوشتگ کہ بی ایل اے ءِ سرمچاراں ایس پی انویسیٹیگشن سروک نصیر الحسن شاہ ءِ گاڑی کندھاری بازار ءَ آئی ای ڈی ءِ گون ءَ نشانگ کتگ – تراک ءِ آسر ءَ دو پولیس کارندہ مرتگ ءُ کم چہ کم دو زدگ بیتگ انت ءُ آیانی گاڑی ءَ تاوان رس اتگ-
جیئند بلوچ ءَ گوشتگ کہ زورگریں پاکستان ءِ کاسگ پولیس باز براں بیھار داتگ ءُ سرپد کتگ آ دشمن ءِ گوشگ ءِ سر ءَ بلوچ راج ءِ ھلاپ ءُ وتی دشمنی پرکاریاں یلو بہ کن اَنت بلے پولیس ءَ ھوار دگہ ادارھاں ھواریں مردم دشمنیں پوج ءُ چیریں ادارھانی گوشگ ءُ بلوچ مھلوک ءُ بلوچ راجی جنز ءَ را جتا جتائیں دروشماں تاوان دیگ ءَ اَنت-
آئی ءَ گوشتگ کہ اے ایس پی بے گناھیں بلوچانی دزگیری ءَ پٹ ءُ پول ءِ نام ءَ برانز گپتگیں رویش کارمرد کنگ اِنت-
جیئند بلوچ ءَ گوشتگ کہ بلوچ لبریشن آرمی اے اُرش ءِ زمہ واری ءَ من ایت ءُ ما ایشی ءِ مسام داریں بلوچ راج ءِ سر ءَ بیوکیں زُلم ءُ زوراکیانی ھساب ءُ کتاباں گپت –