ھندوستان: امرت پال سنگھ ءِ نزیکیں ھمراھیں سنگت دزگیر کنگ بیتگ

ھندوستان ءِ ریاست پنجاب ءَ آجوئی ءِ دوستوں سنگھ رھشون امرت پال سنگھ ءِ نزیکیں ھمراہ پپل پریت سنگھ پولیس ءَ دزگیر کتگ ءُ برتگ-

ھندوستان نیوز چینل این ڈی ٹی وی ءِ رد ءَ پولیس ءِ کاؤنٹر انٹیلیجنس یونٹ ءَ پپل پریت سنگھ ھندوستان ءِ اُستان پنجاب ءِ شھر ھوشیار پور ءَ دزگیر کتگ –

اے جنز ءَ جنزوکینیں امرت پال سنگھ داں انگت ءَ پولیس ءَ دزگیر کت نہ کتگ – آئی ءَ سکھ گل ءِ اکال تھت ءِ بٹھینڈا ءَ بیساکی ءِ وھد ءَ “سربت ھالصہ ” ءِ مُچی کنگ ءِ دزبندی کتگ-

پولیس ءَ اے درگت ءَ چاردہ اپریل ءَ داں پنجاب پولیس ءِ موکل داشتگ اَنت ءُ سرجم ءَ پھریزکاری کتگ اَنت-

اکال تھت ءِ سروک گیانی ھرپریت سنگھ ءَ امرت پال ءُ گون دزبندی کتگ کہ آ پولیس ءِ دیم ءَ سرینڈر بہ کنت – آئی ءَ گوشتگ کہ آ نا اکال تھت ءَ سرینڈر کنت ءُ نانکہ گل اے درگت ءَ پولیس ءِ گون ءَ گپ ءُ تران کنت-

امرت پال ءِ دزبندی ءَ پد شرومانی گرودوارا پربندھک کمیٹی ءَ گوشتگ کہ بس اکال تھت ءِ سروک ءَ اے وڑیں مُچیانی پیسلہ کنگ ءِ ھک ھست اِنت-

سربت ھالسہ ءَ مُچی بس دو رند ءَ نوزدہ سد ءُ ھشتاد ءُ شش ءُ دوھزار ءُ پنچ ءُ کنگ بیتگ-

امرت پال ءَ ھمے زوتاں شنگ کتگیں یک تامرے ءِ تہ ءَ گوشتگ کہ آ ” مپرور ” نہ اِنت آ زوت دنیا ءِ دیم ءَ پیش بیت اِنت آئی ءَ گوشتگ ھرکس اے گوش ایت ما وتی ھمراہ یل داتگ اَنت اے وڑیں ھیالاں مھلوک وتی ھیالانی توک ءَ بہ کش ایت-

پولیس امرت پال ءَ 18 مارچ ءَ شوھاز اِنت بلے داں انگت ءَ دزگیر کنگ نہ بیتگ –