گوستگیں سال ءِ 16 دسمبر ءَ بلوچستان ءِ بنجاھی شھر شال ءِ سردار منیر جان دگ ءَ چہ سی ٹی ڈی ءِ دستءَ زورانسری بیگواھی ءِ آماچ بیتگیں عبدالقدوس بنگلزئی آجو بیتگ ءُ وتی لوگ ءَ سر بیتگ۔
کھول ءَ یل بئیگ ءِ ھال راست کنان ءَ درستیں مردمانی منتواری گپتگ کہ آیاں پہ قدوس ءِ یل کنائنگ ءَ پہ توار چِست کتگ بیتگ۔
زانگ بہ بیت کہ عبدالقدوس بنگلزئی ءِ زورانسری بیگواھی ءَ پد آئی ءِ کھول شال ءَ زورانسری بیگواھیانی بگیر ءَ برجاھیں وائس فار بلوچ مسنگ پرسنز ءِ بنجل ءَ زھرشانی ءَ ھوار بئیگ ءَ ھوار جتاھیں پئیماں وتی زھرشانی درانگاز کُتگ اَت۔