ھاران: لیویز چوکی ءِ سر ءَ اُرش، اُرش ءِ زمہ واری ٹی ٹی پی ءَ زرتگ

بلوچستان ءِ دمگ واشک ءَ گوستگیں شپ ءَ ناشناسیں سلاہ بندیں مردماں اُرش کرتگ ءُ یک لیویز کارمندے کُشتگ ءُ یکے زدگ کتگ-

گیشیں ھالانی رد ءَ گوستگیں شپ ءَ واشک ءِ ھند ھاران ءَ دلی دگ ءَ لیویز چوکی ءِ سر ءَ سلاہ بندیں مردماں اُرش کتگ-

واکدار ءِ رد ءَ اُرش ءَ لیویز ءِ دو کارندہ سیکنڈ انچارج نعمت اللہ سمالانی ءُ رحمت اللہ سک زدگ بوتگ اَنت – کہ چریشی ءَ آ بسیمہ ءَ سول ھسپتال ءَ برگ بیتگ اَنت اود ءَ آ بنداتی درمان کنگ بیتگ ءُ پد ءَ شال ءَ برگ ءِ وھد ءَ راہ ءَ نعمت اللہ ءَ درد نہ سگ اتگ ءُ بیران بیتگ-

دومی نیمگ ءَ تھریک تالبان پاکستان ءَ اُرش ءِ زمہ واری من اتگ ءُ گوشتگ ءُ وتی یک ھمراھے ءِ جنگ ءِ ھال ھم راست کتگ-

جارکش ٹی ٹی پی ءَ ٹاپار جتگ ءُ گوشتگ کہ اُرش ءَ سَے کارندہ کشتگ ءُ دگہ زدگ کتگ اَنت ءُ اے بیڑ ءَ ٹی ٹی پی ءِ باسک انس بلوچ ھم کُشگ بیتگ –