روکپتی بلوچستان ءَ ایرانی چیریں ادارہ “اطلاعات ” ءِ تیرگواری ءَ نیکراھی رھشونے زدگ بیتگ-
گیشیں ھالانی رد ءَ روکپتی بلوچستان ءِ دمگ نیکشھر ءَ ایرانی چیریں ادارھاں یک گاڑی ءِ سر ءَ تیرگواری کنان ءَ یک مردمے زدگ کتگ-
زدگ بیتگیں مردم ءِ پجار مولوی صدیق بلوچی ء فیض مھمد جھمنند پاگ آھوران نیکشھر ءِ نام ءَ زانگ بیتگ-
اھوالانی تہ ءَ گوشگ بیتگ کہ یک تیرے آئی ءِ دست ءُ یکے سرین ءَ لگ اتگ اَنت-
زدگ بیتگیں نیکراھی رھشون زدگیں جاوراں نادراہ جاہ ءَ برگ بیتگ ءُ اود ءَ آئی ءِ ٹپانی درمانی بوگ ءَ اِنت-
روکپتی بلوچستان ءَ اے وڑیں وئیل وھد وھد ءِ سر ءَ رپورٹ بوگ ءَ اَنت کہ گوستگیں سال ءَ شست ءُ ھپت چوشیں وئیل رپورٹ بیتگ اَنت –