بلوچستان : دو جتائیں دمگاں دو مردم زورانسری آوار جنی ءِ نشانگ کنگ بیتگ اَنت ءُ یکے کراچی ءَ آجو بیتگ

بلوچستان ءِ دو جتائیں دمگ کیچ ءُ ھرنائی ءَ دو مردم پاکستانی پوج ءَ زورانسری آوار جتگ ءُ ناشناسیں جاھے ءَ برتگ اَنت وھدے کہ دگہ ورنایے چہ کراچی ءَ آجو بیتگ-

گیشیں ھالانی رِد ءَ بلوچستان ءِ دمگ کیچ ءِ تھسیل مند ءِ ھند گَوک ءَ پاکستانی پوج ءُ یک ورنایے آوار جتگ ءُ ناشناسیں جاھے ءَ برتگ-

کھول رِد ءَ چاردہ فروری ءِ شپ ءَ پاکستانی پوج ءُ چیریں ادارھانی کارندھاں ورنائے لوگ ءَ بیڑبرتگ ءُ بیگواہ کتگ-

اِھوالکارانی رِد ءَ پاکستانی پوج ءَ عبدالصمد ءِ لوگ سر ءَ بیڑبرتگ ءُ لوگانی پٹ ءُ پول ءَ پد عبدالصمد ءِ چکانی پجّار کارڈ چارگ ءَ پد حاصل ء صمد آوار جتگ ءُ بیگواہ کتگ-

ھمے وڑ چہ شال ءَ بیگواہ بیتگیں سبحان قیصرانی ءُ معسود الرحمن قیصرانی ءِ کھول ءَ گْوشتگ کہ مئے دوستناکاں بیست ھشت روچ ءَ سیزدہ فروری ءَ سی ٹی ڈی ءَ دروگیں ایف آئی آر ءُ بے بُنیں دروگیں بھتام جوڑ کتگ ءُ آیاں دیم ءُ آورتگ اَنت-

اود ءَ آمیدگسی چست ءُ ایر برجاہ بیتگ کہ گوستگیں شپ ءَ سی ٹی ڈی ءَ آ پد ءَ وتی ھمراھی ءَ برتگ اَنت گوں کہ پٹ ءُ پول انگت سرجم نہ اِنت چریشی ءَ پد آ بیگواہ اِنت-

ھمے وڑ چہ ھرنائی ءَ مالی ء فقیر دلشاد مری بیگواہ کنگ بیتگ- کھول ءَ گْوشتگ کہ آ پاکستانی پوج ءَ دزگیری ءَ پد بیگواہ کتگ، آ یک مالداری –

زانگ بہ بیت بیگواہ بیتگیں مالی مری ءِ یک براتے پیسر ءَ بیگواہ کنگ ءَ پد آجو بیتگ-

ھمے وڑ گوستگیں سال ءِ 26 ستمبر ءَ سندھ ءِ بُنجاھی شھر چہ کراچی ءَ بیگواہ کنگ بیتگیں ورناہ گُلشاد ء دلوش مرچی چہ کراچی ءَ آجو بوتگ –

زانگ بہ بیت گُلشاد ءِ آوار جنگ ءَ پد سی ٹی ڈی ءَ آئی ءِ سر ءَ بمب ءُ سلاھانی ھمراھی ءَ گرگ ءِ بھتام جتگ اَت-