پاکستانی بنجاھی اسمبلی ءِ باسک 2 سال ءَ زندانی بیگ ءَ پد چہ زندان ءَ آجوہ بیتگ۔
علی وزیر سہراب گوٹھ تھانہ ءَ نبشتگیں یاگی گری ءِ ارزی ءِ سرءَ دزگیر کنگ بیتگ اَت آئی ھلاپ ءَ سرجمیں پاکستان ءَ درژنانی ھساب ءَ ارزی نبشتہ کنگ بیتگ اَت۔
درستیں کیسانی تہءَ ضمانت منگ بیگ ءَ پد مروچی آ چہ سینٹرل جیل سے ءَ یل کنگ بیتگ۔
علی وزیر ءِ وکیل ءِ رد آ اے کیس ءِ پدءَ چہ پشاور ءَ دزگیر کنگ بیتگ اَت ءُ آ گوستگیں دوسالاں چہ زندانی بیتگ۔ آئی ءَ دیمترءَ گُشتگ کہ ارزی کراچی ءِ دمگ سہراب گوٹھ ءَ نبشتہ کنگ بیتگ اَت۔
علی وزیر 31 دسمبر 2020 ءَ چہ ڈیھی ادارگانی بگیر ءَ ترندیں ءُ زھرناکیں ترانانی بھتام ءَ زندانی کنگ بیتگ اَت۔
آئی ھلاپ ءَ کراچی ءِ جتاھیں تھانہ یانی تہءَ ارزی نبشتہ کنگ بیتگ اِت اَنت۔
علی وزیر ءُ پاٹی ءِ دگہ لھتیں رھشونانی بگیریءَ ھمے بھتامانی پُشدرءَ ناشرکاری ءِ دارگ ءِ قانود (اے ٹی اے) ءِ ٹکانی ردءَ سہراب گوٹھ، شاہ لطیف ٹاؤن ءُ بوٹ بیسن تھانہ یانی تہءَ چار یکیں وڑیں نبشتہ کنگ بیتگ اِت اَت۔