شال ءَ کرائم برانچ تھانہ ءَ حق دو تحریک ءِ دزگیریں رھشونانی گون ءَ گِندگ ءَ وکیلانی یک ٹولی ءِ راجب خان بلیدی ءِ سروکی ءَ شتگ بیتگ، چریشی ءَ وکیلانی پینل ءِ ھمراھی ءَ بلوچ نودربر رھشون ھم ھوار بیتگ اَنت-
ھمے وھد ءَ حق دو تحریک ءِ دزگیریں رھشون حسین واڈیلہ ءَ اتکگیں مردمانی گون ءَ گپ کنان ءَ گوشت ’ دزگیری ءُ بند ءُ گیز آیانی جزبگ ءَ نیزور کُت نہ کنت آیانی جزبگ گیش اِنت اے دزگیری، بندیگ جاہ ءُ تھاریں کوٹی بلوچ راجدارانی دومی گِس اِنت ءُ اے وڑیں مشکل ءُ ترندیاں ھچبر بھمیانگی کنگ نہ بیت بلکین وتی جد ءُ جھد ءَ برجاہ دار ایت ‘-
ھمے وھد ءَ آئی ءَ غالب ءِ یک شَیرے وانان گوشتگ کہ اے شر بیتگ ریاست ءَ لٹ ءُ کُٹ ءُ اُرشاں آئی ءِ پادانی ترامبل ترکینتگ اَنت ءُ ما نی ترگ ءِ کابل بیتگ اِنت زور ٹپ وش بنت-
آئی ءَ گوشتگ اے درستیں ھمراھانی منت اِنت آ گندوک ءَ اتکگ اَنت ءُ کلوہ داتگ کہ منی جاور شر اَنت ءُ ھمت چو کوہ ءَ مک اَنت جد ءُ جھد برجاہ بیت اِنت-