بلوچستان ءِ دمگ خضدار ءَ دز بمب اُرش یے تہءَ یک مردمے ٹپی بیتگ۔
اھوالانی رد ءَ خضدار ءِ ھند مھران پمپ ءِ نزیک ءَ تراکے ءِ آسر ءَ یک مردمے آفتاب شاہ جھمنند خضدار سک ٹپی بیتگ۔
وئیل ءَ پد لشکری ءُ پولیس اُرش جاہ ءَ سر بیتگ اَنت ءُ ٹپی ءِ مردم نادراھجاہ ءَ سر کُتگ اِش۔ پولیس ءِ ردءَ اُرش ءِ درگت ءَ پَٹ ءُ پول برجاہ اِنت۔
اھوالانی ردءَ اُرش ءِ تہءَ یک مردمے سک ٹپی بیتگ وھدیکہ خضدار ءَ بنداتی سلامتی کمک ءِ دیگ ءَ پد گیشتریں علاج ءِ ھاترءَ شال ءَ دیم دیگ بیتگ۔
بلوچستان ءَ چیزے روچانی توک ءَ پوج ءُ پولیس ءِ سر ءَ یکشلیں اُرشانی توک ءَ گیشی گندگ ءَ پیداک اِنت اے اُرشانی زمہ واریاں بلوچ سلاہ بندیں گل پہ وت ءَ زورگ ءَ اَنت –