پاکستان ءَ توپان ءِ اسرمندیں مردمانی کمک ءَ برطانیہ ءَ کمکاریں گل ءَ دَہ لَک پاؤنڈ ءِ کمک داتگ

برطانیہ ءِ کمک کنوکیں گل ءَ پاکستان ءَ توپان آماچیں مردمانی کمک ءَ قونصل جنرل ابرار حسین ءَ را دَہ لک پاؤنڈ ءِ چیک داتگ-

عرب نیوز ھال سرکنوک ءِ رد ءَ برطانیہ ءَ پاکستانی قونصل جنرل ءَ کمکاریں گل پینی اپیل ھوار بیتگ ءُ پہ توپان آماچیں مردماں زَر یکجاہ کتگ اَنت-

پینی اپیل ءَ وتی درشان ءَ گشتگ کک قونصل جنرل ابرار حسین ءَ پاکستانی مھلوک ءِ کمک ءَ برجم کرتگیں فنڈ ریزنگ ڈنر ءِ گچینی مھمان ءِ بستار ءَ بھر زرتگ ءُ شرپ بکش اتگ برطانوی مسلم ٹی وی ءَ شنگ بیتگیں ھالانی تہ ءَ چیرٹی ءِ لائیو ءِ دزبندیاں پد گچینی مھمان بیتگ-

درشان ءَ گشگ بیتگ کہ گیش ءَ چہ گیش زرانی مُچ کنگ ءَ قونصل جنرل ابرات حسین ءِ کرد جوانیں رنگے ءَ چارگ بیتگ-

پینی اپیل ءِ بنکی رھشون عدیم یونس ءَ قونصل جنرل ابرار حسین ءَ را بریڈ فورڈ ءَ پاکستانی قونصل خانہ ءُ دَہ لَک پاؤنڈ ءِ چیک پیش کتگ-

پینی اپیل ءَ گوشتگ کہ پاکستانی واکدارانی کمک ءَ اے ھیراتی ادارہ ءَ توپان آماچیں شانزدہ ھلکاں کار کنگ ءَ اِنت اسرمندیں مردماں ورگ، ساپیں آپ، جاندراھی، گد ءُ دگہ مالی کمکاں پُجارین ایت-

ادارہ ءِ رد ءَ اسرمندیں مردماں پنچ لک لیٹر آپ ءِ پجارینگ ءَ ھوار دو لک ءَ گیش جوڑ کرتگیں ورگ بھر کرتگ اَنت ءُ ھمک روچ ورگ ءُ جاندراھی ءُ دگہ زند ءِ پھناتانی گھتر کنگ ءَ دزبند اِنت-

پینی اپیل ءَ کمکی دومی تکاں سرکار ءِ گون ءَ ھوار بیتگ اسرمندیں مردمانی واستا لوگ جوڑ کنگ اِنت کہ اشانی توک ءَ یکسد لوگ تیار بیتگ اَنت ءُ یک لک مردماں شیلٹر بھر کنگ بیتگ اَنت-

پینی اپیل ءِ بنکی رھشون عدیم یونس ءَ دیمتر ءَ گشتگ ابرار حسین ءِ وڑیں مردم ادارہ ءِ واستا جوانتریں مردم زانگ بنت اشی ءَ زلورت کاریں مردمانی کمک ءِ واستا ھچ راہ یل نہ داتگ-