امریکی اسپیکر نینسی پلوسی ءِ لوگ ءَ اُرش، ہٹھوڑیاں گوں آئی ءِ لوگ واجہ زدگ

امریکی ایواھ نمائندگان ءِ اسپیکر نینسی پلوسی ءِ سان فرانسکو ءَ لوگ ءِ سر ءَ اُرش کنگ بیتگ – اُرشکاراں آئی ءِ لوگ واجہ ءُ را ہٹھوڑی جتگ ءُ زدگ کتگ-

برطانوی ھبررساں ادارہ روئٹرز ءِ رد ءَ آدینگ ءِ روچ ءَ وئیل ھما وھد ءَ پیش اتکگ کہ آ وھد ءَ نینسی پلوسی لوگ ءَ جاڑیگ نہ بیتگ-

اے وئیل مھتر جوبائیڈن ءَ بزدلی گشتگ ءُ کہ اُرشکاراں ھما اوگام جتگ کہ آیاں کیپیٹل ھل ءِ سر ءَ اُرش ءِ وھد ءَ اشکتگ اَنت-

آئی ءَ گوشتگ کہ نی باز بیتگ اگاں سیاست ھرچی بہ بیت بلے آئی ءِ توک ءَ لٹ ءُ کُٹ ءِ اوپار نیست اِنت – ھر ھما زندگ دلیں مردماں اشی ءِ بگیری ءَ اوشتگ لوٹ ایت اِنت-

نینسی پلوسی ءِ لوگ واجہ ھشتاد ءُ دو سالی ئیں پال پلوسی ءِ سر ءُ آئی ءِ جسم ءِ دگہ بھراں ٹپانی نشان پر اَنت ءُ آ نادراہ جاہ ءَ اِنت ءُ ڈاکٹرانی گوشگ اِنت آئی ءِ جاور ترس ءَ چہ ڈن اَنت-

اسپیکر نینسی پلوسی ءِ جارکش ءِ گوشگ اِنت کہ آ واشنگٹن ءَ دیم پہ سان فرانسکو ءِ واستا جنز اتگ-

رپورٹ ءِ رد ءَ وھدیکہ اُرشکاراں لوگ ءُ دور کتگ گڑا ھما وھد ءَ پال پلوسی ءَ پولیس ءِ نُھ سد ءُ یازدہ ءُ زوتدری رھوت کتگ اُرشکار وھدیکہ آئی ءِ نزیک ءَ اتکگ انت ھم آئی ءَ رھوت کٹ نہ کتگ ءُ پولیس ءَ آیانی گپ ھم اشکتگ اَنت-

سان فرانسسکو ءِ پولیس ےِ رد ءَ وھدیکہ کارمند سر بیتگ اَنت گڑا ارشکار آئی ءَ گوں ہٹھوڑی ءَ جنگ ءَ بوتگ ءُ چریشی ءَ پد آ سرجمی ءَ دزگیر کنگ بیتگ-

پولیس ءِ رد ءَ اُرشکار ءِ بارو ءَ تنی وھدی دگہ گیشیں سرپدی نہ بیتگ اَنت بلے اشی ءَ تچک ءَ زانگ بیت اِنت آ نینسی پلوسی ءِ جنگ ءَ لوگ ءَ پترتگ –

پولیس ءِ رد ءَ اُرشکار لوگ ءَ پترتگ گڑا آئی ءَ ترندیں توار ءَ گوں جست کتگ نینسی کج اِنت وھدیکہ گشگ بیتگ کہ آ لوگ ءَ نہ اِنت گڑا آئی ءَ گشتگ داں ائی ءِ آیگ ءِ ودار ءَ کنت-

لس مردمانی گوشگ اِنت وئیل سیاسی سبب بوت کنت بلے راستیں پٹ ءُ پول ءَ پد زانگ بیت اِنت –

نینسی پلوسی ءِ سر ءَ اُرش ءَ پد نائب امریکی سروک کمیلا ھیرس ءَ رھوت کتگ ءُ یکجھتی کتگ ءُ آئی ءِ سر ءَ بوتگیں ارش ایر جتگ-

نینسی پلوسی ءِ آروس پال پلوسی ءِ گون ءَ 1963 ءَ بیتگ ءُ آئی ءِ پنچ زھگ اَنت-

اُرشکار ءِ پجار ڈیوڈ ڈیپاپے ءِ نام ءَ بیتگ کہ آئی ءِ عمر چل ءُ دو سال اِنت ءُ نسل پرستی ءِ درچ ءَ ترندیں لیکہ دار ایت – ءُ اے درگت ءَ چاگردی ترامجاھاں ترندیں لیکہ درشان کنت- ءُ گوستگیں سروک ڈونلڈ ٹرمپ ءِ منوک اِنت-

آئی ءِ سیاسی برٹش کولمبیا ءَ اِنت ءُ بیت گمان بیست سال ءَ پیسر اتکگ بیتگ-