روکپتی بلوچستان: زھرشانی روانک، دوزادہ مردم بیران ءُ زدگ

روکپتی بلوچستان ءِ بنجاھی شھر زاھدان ءَ 30 ستمبر ءَ نمازیانی کوش ءِ ھلاپ ءَ بیوکیں زھرشانی سر ءَ ایرانی لشکر ءَ تیرگواری کنان ءَ پنچ مردم کشتگ ءُ شش زدگ کتگ اَنت-

ھالانی رد ءَ زھرشانی مروچی آدینگ ءِ روچ ءَ پد چہ مکی مسیت ءَ بندات بیتگ ءُ شھر ءِ جتا جتائیں جاھاں روان بیتگ ءُ ھمے میان ءُ پورسز ءُ زھرشانی کنوکانی میان ءَ سنگ جنگی ءُ تیر جنگی بیتگ چریشی ءَ چہ بنداتی ھالانی تہ ءَ دوزادہ مردم زدگ ءُ بیران بیتگ اَنت-

وھد وھد ءِ سر ءَ تیرگواری درچ ھم برجاہ اَنت ءُ چریشی ءَ ھالانی تہ ءَ گوشگ بیگ ءَ اِنت بیرانی کچ گیش بوت کن اَنت-

دومی نیمگ ءَ انسانی ھکانی گل ایران انٹرنیشنل ءَ زاھدان ءَ دو مردمانی بیرانی ءِ ھال ھم راست کتگ ءُ گشتگ کہ اود ءَ زھرشانی کنوکانی سر ءَ لشکر ءَ تیرگواری کتگ ءُ مردم جتگ اَنت-

زانگ بہ بیت گوستگیں روچ ءَ چہ بگر داں انیگ ءَ زاھدان ءَ بازیں کچے ءَ لشکری اتکگ ءُ سر بیتگ اَنت-