یونیورسٹی آف تربت ءَ شعبہ نیچرل اینڈ بیسک سائنسز ءِ نیمگ ءَ مراگشے برجم دارگ بیتگ

تربت ءَ یونیورسٹی آف تربت ءَ شعبہ نیچرل اینڈ بیسک سائنسز چیردستی ءَ (دی گلو بل انڈر گریجویٹ پاکستان پروگرام) ءِ درگت ءَ یک سرپدی مراگشے برجم دارگ بیتگ- مراگش ءَ ماھر غذائیت پروین نور گچینی مھمان بیتگ –

سرپدی مراگش ءَ فیکلٹی باسک ءُ جنک ءُ بچکیں نودربراں بھر زرتگ –

مراگش ءِ مول ءُ مراد درشان کنان ءَ ماھر غذائیت پروین نور ءَ گوشتگ ( گلوبل انڈر گریجویٹ پاکستان پروگرام) ءَ پاکستان ءِ کجام یونیورسٹی ءَ بھر زورگ ءِ واستا انڈر گریجویٹ ءَ پاکستانی جنک ءُ بچکیں نودربرانی واستا ڈیزائنگ کنگ بیتگ-

اے پروگرام ءِ واستا کجام ھم امریکی یونیورسٹی ءَ یک سمسٹر ءِ واستا نان ڈگری پروگرام ءِ واستا دودمانی ءُ زانشتی زر ءِ پیشوئی ءَ کن اَنت –

ھمے وھد ءَ وتی ھیال ءُ لیکھانی درشان کنان ءَ فیکلٹی آف سائنس اینڈ انجینئرنگ ءِ ڈین ڈاکٹر حنیف الرحمان ءَ تربت یونیورسٹی ءِ جنک ءُ بچکیں نودربرانی سرپدی ءِ واستا پروین نور ءِ منت گپتگ اَنت-

ھمے وڑ بائیو ٹیکنالوجی سوسائٹی شعبہ نیچرل اینٍ بیسک سائنسز یونیورسٹی آف تربت ءِ چیردستی ءَ تربت یونیورسٹی ءَِ ڈیولپمنٹ بائیولوجی ءِ بنگپ ءِ سر ءَ مراگشے برجم داشتگ –

مکران میڈیکل کالج تربت ءِ اسٹنٹ پروفیسر ڈاکٹر سنیت ءَ نیاد ءَ آرگنوجنیسس اینڈ ڈویلپمنٹ آف ہیومن ءِ سر ءَ گشتانک داتگ –