چھتر: تیرگواری ءَ دو کس بیران، پنچ زدگ

بلوچستان ءِ دمگ چھتر ءَ تیرگواری ءِ یک وئیلے ءَ دو مردم بیران ءُ پنچ زدگ بیتگ اَنت-

گیشیں ھالانی رد ءَ شمبے ءُ یک شمبے ءِ میانی شپ ءَ ناشناسیں مردماں گوٹھ موندر ءَ شھنشاہ ءَ تھسیل چھتر ءَ لوگ ءَ وپتگیں چھبگر ٹک ءِ مردمانی سر ءَ تیرگواری کتگ-

وئیل ءَ ہد ارشکار شپ ءِ تھاری ءَ تچگ ءَ سوبمند بیتگ اَنت، تیرگواری ءِ آسر ءَ مھکمہ سھت نسیر آباد ءِ کلانیں پیرا میڈیکس عبدالطیف بھنگر ءِ کستریں برات سمندر خان ء رئیس پنجا خان بھنگر ءُ یک دگہ ھشت سالی ئیں جنکے شبیلا بیران بیتگ اَنت دگہ پنچ کس زدگ بیتگ اَنت- زدگ بیتگینانی تہ ءَ عبدالطیف بھنگر ءِ براتزتک احمد علی ءَ امجد علی ھوار اَنت-

چھتر پولیس ءَ بیران ءُ زدگ بیتگیں مردم ڈویژنل ھسپتال ڈیرہ مراد جماکی ءَ سر کرتگ اَنت- اود ءَ ڈاکٹر رشید عمرانی ءَ میڈیکل سپرنٹڈنٹ ڈاکٹر ایاز حسین جمالی ءِ چیردستی ءَ زدگ بیتگیناں درمانی برجاہ بیتگ زدگ بیتگینانی تہ ءَ دو گھار نور جان ءُ شنیلا ء مھمد شریف بھنگر ءَ ھوار پنچیں زدگ بیتگین ایم ایس ڈاکٹر ایاز جمالی ءَ گیشین درمانی ءَ لاڑکانہ ءَ برتگ اَنت-

ھمے وڑ ءَ گوستگیں استانی چیئرمین پاکستان پیرا میڈیکل اسٹاف فیڈریشن بلوچستان ءأ گوستگیں سروک ڈیرہ مراد جمالی پریس کلب آغا نیاز مگسی ھسپتال ءَ سر بیتگ ءُ عبدالطیف بھنگر ءِ گون ءَ بژنی درشان کتگ ءُ ڈی آئی جی نسیر آباد رینج ءُ ایس ایس پی نسیر آباد ءَ را جرمکارانی دزگیر کنگ ءِ کڈنی کتگ –