بلوچستان لبریشن فرنٹ ءِ جارکشّ میجر گْوھرام بلوچ ءَ رسانکدر ءَ وتی شِنگ کُرتگیں درشان ءِ تہ ءَ گْوشتگ کہ سِلاھبندیں جُھد ءِ تہ ءَ وئیل ءِ بُوَگ نوکیں جیڑھے نہ اِنت۔
جارکشّ ءَ وتی درشان ءِ تہ ءَ دیمتِر ءَ گْوشتگ کہ بی ایل ایف یک زِمہ داریں گلے، ءُ آ مْیان اُستمانی رھبندانی رِد ءَ بلوچ راجی آجوئی ءِ جنگ ءَ کنگ ءَ اِنت۔ ما مْیان اُستمانی جنگی رھبندانی سر ءَ سِتک کن اِیں ءُ آیانی رِد ءَ وتی جُھد برجاہ داشتگ۔ بلے اے یک نوکیں جیڑھے نہ اِنت کہ جنگانی تہ ءَ وئیل ءُ Collateral ءُ Damage نہ بیت۔ مئے کُوشست اِنت کہ چہ اے رنگیں وئیلاں بِہ رکّ اِیں کہ چہ آئی ءَ لسّ مھلوک ءَ را تاوان بِہ رس اِیت۔
آئی ءَ وتی درشان ءِ دیمتِر ءَ گْوشتگ کہ گْوستگیں ماہ ءَ بالگتر ءِ ھند ءَ ریاستی ایجنٹ ءُ کُشندہ ٹولی ءِ کارِندہ تارِک ء مھراب ءِ اھوال رسگ ءَ پد سرمچاراں آئرا دزگِیر کنگ ءِ جُھد کُتگ کہ آئی ءَ تیرگواری بِندات کُتگ ءُ مُکابِلہ ءَ جَنَگ بوتگ۔ ھمے دوران ءَ چہ Cross تیرگواری ءَ آئی لوگبانُک مُرتگ۔ چو ھم بیت کہ آ اَچ وتی کارِندھانی تیر ءَ مُرتگ۔ تارِک یک ریاستی ایجنٹے بوتگ ءُ آ تچک ءَ گوں کور کمانڈر شال (کوئٹہ) ءَ رھوت ءَ بوتگ۔ آ مئے بیست ءَ گیش سرمچارانی شھید کنگ ءَ گون بوتگ، یک ھترناکیں ریاستی ایجنٹے ءِ سر ءَ اُرش کنگ ءِ دوران ءَ چہ Cross تیرگواری ءَ یک جنین آدمے ءِ مِرگ مارا الم بژن بیت۔
اے ناگتیں وئیل ءَ یک دِگہ دْروشمے دَیَگ ءُ بلوچانی Indigenous جُنز ءَ را دُگنیا ءِ دیم ءَ ردیں رنگے ءَ سھرا کنگ بیشکاری یے کہ ما آئرا اِیرجن اِیں۔ اے رِد ءَ یک اِنسانی اُگبالانی پدجنوکیں گلے ءَ ھم وتی ناوشی درشان کُتگ۔ ھمے رنگ ءَ پاکستانی ءُ بلوچ دُژمِن رسانکدر ءُ باڑاھی (کرایہ) مردُم بلوچانی گْواچنیں جُھد ءُ جیڑھانی سر ءَ بے توار اَنت۔
بلوچستان لبریشن فرنٹ ءِ جارکشّ میجر گْوھرام بلوچ ءَ وتی درشان ءِ گُڈّی ءَ گْوشتگ کہ ما توامیں مْیان اُستمانی ادارھاں باور کنائین اِیں کہ ما چہ چوشیں گامگیجاں وت ءَ ھر ھِساب ءَ پھریزیں کہ چہ آئی ءَ لسّ مھلوک ءَ را تاوان بِہ رس اِیت، بلے وئیلاں کُدرت ھم داشت نہ کنت۔