دانشورانی (کواسانی) کرد- ایڈورڈ سعید |صدیق الرحمن قدوائی ءُ اسلم پرویز |حکیم بلوچ

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

نبشتانک: دانشورانی (کواسانی) کرد

ایڈورڈ سعید

چہ انگریزی ءَ اردو رجانک کنوک: صدیق الرحمن قدوائی ءُ اسلم پرویز

بلوچی رجانک : حکیم بلوچ

چارمی ءُ گُڈی بھر

دی بلوچستان پوسٹ

چارمی جیڑہ کہ ھما اِنت کہ من اِشی ءَ بت پرستی لیکاں ما یک بے پھاز اتگیں اھدئے ءَ زندگی کنگ ءَ اِنت۔ ما دیمتر ءِ جاورانی نیمگ ءَ ودگ ءَ اِنت۔ سرد جنگ آسر بیتگ، انچش زانگ بیت کس اے نزانت کجام دود ءُ ربیدگ ءُ چاگرد جوان اِنت ءُ کجام نہ اِنت، پمیشکا منی نِز ءَ اے بدلی ءِ اھد اِنت۔ منی ھیال ایش اِنت کہ کواس ءَ یک سیکولر مردمے بوگ لوٹ ایت کہ کجام ھم بُت ءَ نہ من اِیت۔ منی گُشگ ایش اِنت کہ نیکراھی ھمک مردمے جندے جیڑہ اِنت۔ اگاں تئو وتی پئیم ءَ چہ ھدایاں کجام یک ھدایے اگاں یکے ءَ چہ گیشتر ھدایانی سر ءَ باور دار ءِ کہ تئی ھاتر ءَ پاک ءُ درستاں مستریں تاکت اَنت گُڑ ءَ اے تئی وتی جیڑہ ءُ ھک اِنت۔ بلے من اد ءَ چاگردی ھداھانی گپ ءَ کنگ ءَ اَنت کہ اِشانی درگت ءَ فرانس بیکن ءَ گُشتگ کہ اے منڈی ءِ ھدا اَنت۔

مدام انچش بوتگ، پہ درور سرد جنگ ءِ زمانگ ءَ، اے سرپد بہ بیت مردماں مارکسزم ءِ دوست بوتگ ءُ جوان لیک اتگ اِش۔ پد ءَ آیاں باور کُت کہ مارکسزم باز جوان نہ بوتگ۔ پمیشکا چہ سرد جنگ ءَ پد آیاں وتی نیکراھی لیکہ مَٹ کُتگ ءُ سرمایہ داری ءِ نیمگ ءَ شُتگ اَنت ءُ پد ءَ ھمائی پرستش بندات کُتگ اِش اے ھم یک پئیمے ءَ بُت پرستی ءِ دروشم اِنت۔ یک فرانسیسی کواسے بوتگ کہ درستیں عرب جھان ءَ گولیتگے آ فرانس ءَ کمیونسٹ پارٹی ءِ پیسرگیں رھشون بوتگ، اِشی ءَ پد آ باز ترندیں کیتھولک (عیسائی نیکراھی ءِ یک بھرے) ءِ بیتگ ءُ انیگاں آ مسلمان بوتگ۔ پرچہ کہ سعودی عرب ءِ نزیک ءَ آیگ ءَ پد آئی ءِ اِشی ءِ تہ ءَ ارزانی دِستگ۔ آئی ءَ وتی نام مَٹ کُتگ ءُ اسلامی نامے ایر کُتگ ءُ آ نوں ھمایانی پئیم ءَ گپ کنت۔ پمیشکا بُت پرستی ءِ سوب ءَ منی سرین ءِ ھڈ ءَ کرنٹے گشے تچ ایت۔ اے درستاں گیشتر ایرجنگی گام اَنت پمیشکا یک کواسی ءَ مدام وت ءَ چہ دروگیں ھدایانی پرستش ءَ چہ رکینگ لوٹ ایت اے بُت پرستی ءَ چہ، پرچا کہ چُشیں بُت کدی ھم ارزانی ءَ گوں مٹ بیت کن اَنت۔ پد ءَ دگہ یک بُتے تئی دیم ءخ اوشت ایت ءُ ترا گُش ایت کہ “من گُشاں من ترا چی چی دے آں، برلن ءَ رؤگ ءِ ھاتر ءَ اولی کلاس ءِ ٹکٹ، تئو برلن ءَ بیا، یک سالے ابید کجام جیڑہ ءُ جنجال ءَ ھمود ءَ بہ بہ ئے نبشتہ کن وان ھرچی لوٹ ئے بہ کن۔ بلے گُڈسر ءَ ترا مارا چہ یکے بئیگ لوٹ ایت۔”

گُڑا چُشیں داد ءُ چُشیں بُت ءُ چُشیں ھداھانی پرستش باز گران ءَ کپ اِیت ءُ گُڈسر ءَ اَت ھدابے سوب بنت۔ پمیشکا من گُشان کواس ءِ تھنا وت واجہ بوگ بس نہ اِنت، آ ھمینچو بیت کنت وت ءَ گِستا بہ کنت ءُ آئی ءَ مدام گمانی بوگ لوٹ ایت۔ گُڈی گال پئیمیں ھچ شئے نیست اِنت، مدام نوکیں شئے آنی پولگ ءُ دیم ءَ آیگ ءِ در پچ اَنت۔ مردماں گوستانک ءِ سر ءَ باور کنگ لوٹ ایت، گُڑا اے چونیں گپے بیت اِنت کہ کواس ءَ گُڈسر ءَ درستیں جنجال ھلاس کنان ءَ روایت، ،پروفیشنلزم ،تاکت،واکداری، نام ءُ ھداھانی بندیگ بہ بیت ءُ بس۔ اد ءَ ھندوستان ءَ، عرب ملکانی تہ ءَ، یورپ ءَ، افریقہ ءَ، لاطینی امریکا ءَ ھما کجام شئے اَنت کہ کواساں آئی ءِ گزر اِنت۔ منی ھیال ءَ ھمک جاہ ءَ یکیں رھبند اِنت انچش کہ ھمک جاہ ءَ یک پئیمیں تُرس اَنت۔

تو اگا بہ لوٹ ئے تو واکدارانی مولد بیت کن ئے بزانکہ درباری کواس، تو تاکت ءِ ھاتر ءَ کارکنگ ءَ ئے اگاں تو ڈن ءَ ئے۔ من ڈن ءَ بئیگ ءَ گیشتر ارزشت دیاں یک انچیں مردمے کہ آئی ءَ چہ تاکت ءَ پہ مدامی درانڈیھی زُرتگ۔ بلے اے درست پرچا، منی لیکہ اِنت کہ مارا جھانی روایت ءِ لوٹ اِنت۔ انساپ ءِ جھانی روایت کہ اود ءَ مردین ءُ جنین تُرس، سیاہ، گندمی، سُھر اگاں زرد چک بہ بنت، کجام ھم دمگ ءَ چہ سیادی بہ دار اَنت آ درستاں یک پئیمیں آجوئی ءُ برابری ءِ ھک دیگ بہ بیت۔ بلے اے گپ ءَ شما اے پئیم نہ گُش اِیت۔ بکول ءِ جان اسٹورٹ مل ھو من چوناھا اے گپانی سر ءَ باور داراں بلے داں ھموداں تک ھندوستان ءِ سیادی اِنت آ پہ جمھوریت ءَ ساڑی نہ اِنت، اے راست نہ اِنت۔ اگاں شما انسانی اگبالانی سر ءَ باور دار اِت گُڑا انسانی اگبال درستیں جاھاں یکے پئیم ءَ دیگ بہ بنت۔ تو چُش گُشت نہ کن ئے انچُش کہ ما جھان ءِ آ بھر ءَ گُشت کنیں کہ چہ اود ءَ مئے سیادی اِنت۔ ھئو اَے راست اِنت کہ اے روکپتی ھیال اَنت، داں ھمینچوک کہ عرب لیکھانی سیاد اِنت۔۔۔ عربانی گمانی لیکہ (اسلامی لیکہ) اود ءَ ترا لَٹ ءُ کُٹ کنگ، کوڑہ جنگ ءُ ابید آمید گِس ءَ گپ کنگ ءِ موہ دیگ ءِ مرگ ءِ سزا دیگ ءِ تاکت دار اَنت۔

اے سر ءَ سر گنوکی اَنت، اسلام گُش ایت کہ ھمک مردم ءِ یک کدے ھست، پرچا کہ آ اللہ ءِ مھلوک اِنت۔ پمیشکا مارا انساپ ءُ برابری ءِ جھانی روایت ءِ سر ءَ باور دارگ لوٹ ایت۔ ءُ دومی گپ مدام راست گُشگ ءِ جھد کنگ لوٹ ایت اِشی ءَ ابید کہ راست گُشگ ءِ تہ ءَ جنجال ءُ کم شرپی ءِ دیمپانی کنگ کپ ایت۔ ترا پہ اِشی ءَ ساڑی بیگ لوٹ ایت کہ راست گُشگ ءَ تاوان بیت ءُ سیمی ءُ پرارزشتیں گپ کہ چریشی ءَ من ءَ رھشونی رس اتگ آ ایش اِنت کہ تو راستی ءَ تھنا وتی شیشگ ءِ ماڑی ءِ تہ ءَ نہ نندے ءُ نہ گُش ئے۔ اے راستی ترا زمین ءِ سر ءَ پاد ایر کنگ ءُ گُشگی اِنت، زمین ءِ سر ءَ نشتگیں ھما مردمانی ھاتر ءَ گُشگی اِنت کہ آھانی دپانی سر ءَ کُبل جنگ بیتگ، ھما کہ ڈلگ بیتگ اَنت، ھمے سوب اِنت کہ سرجمیں فلسطین پہ من ءَ منی ھاتر ءَ یک سک پرارزشتیں چیدگی یے ارزشت دار ایت، اے ھاتر ءَ نہ من یک فلسطینی اَنت۔

شریں من یک فلسطینی ءِ بیتگ اَنت بلے مئے جدوجھدانی سوب ءَ مئے جنجالانی راستی دُرشگ بیتگ اَنت آئی ءِ توار دارگ بیتگ داں انچکہ کہ روکپت ءَ لبز فلسطین ءِ دپ ءَ کشگ ھم باز جنجالی کنگ بیتگ۔ پمیشکا کواسانی کار اے یاتانی درچینگ ءُ آرگ اِنت۔ منی گُشگ اِنت مارا اے بے ھیال کنگی نہ اِنت کہ مئے مردماں کجام کچ ءَ زوراکی دیستگ، مارا اے بے ھیال بیگی نہ اِنت کہ ما کجام کجام ترندیاں چہ گوستگیں مارا وتی رھشونانی ردی بے ھیال کنگی نہ اَنت۔

مارا وتی رھشونانی ردیانی درکت ءَ گپ کنگ ءِ وھد ءَ ایماندار بیگ لوٹ اِیت۔ راست اِنت اگاں ما چُشیں گپے کنیں کہ پہ آیاں باز کم شرپی ءِ سوب بہ بیت گُڑا آ مارا کار ءُ روزگار نہ دے اَنت، ما کجا اپسر بوت نہ کنیں یا اگاں مارا شرپی ڈگری رس ات نہ کنت۔ بلے اے المی اِنت کہ ما اَے گپانی درشانی ءَ بہ کنیں کہ آ واکداراں لگتمال کُتگ اَنت۔ اِے درگت ءَ جیڑگ ءَ ابید کہ مارا چونیں نھاد ءِ دیگ کپ اِیت۔ ءُ اَے نہ تھنا پہ مئے جند ءَ شرپ ءِ گپ بیت بلکیں پہ انسانیت ءَ ھم۔

گپ ءِ بزانت ایش اِنت کہ اے پئیم ءَ ما مردمانی گوما یک ابید زوراکی ءُ ابید پرمان دیگ ءَ یک انچیں سیادی ءَ بندوک بہ ایں کہ اِشی بزانت اے بیت کہ ما آیانی جدوجھد ءَ آیانی ھمراہ اِنت ءُ تئی گور ءَ پہ گُشگ ءَ ھم پشت نہ کپتگ کہ آ کئے اَنت ءُ چی لوٹگ ءَ اَنت ءُ تئی گُشگ ءِ سنچ ءَ راستیں کِشک دیوک ھم ءُ آئی سر ءَ سانمند بیوک ھم ھما مردم اَنت کہ جدوجھد ءَ ھوار اَنت۔ جدوجھد کجام شئے ئِے اِنت؟ ما وت واجھی، انسانی شرپ، برداشت ءُ اوست ھمیشانی ھاتر ءَ جدوجھد کن ایں۔ یک وشھالیں بانداتے ءِ اوست کنگ ءِ ھج۔ اے یک یوٹوپیا (وتگڑیں لیکہ ابید کجام منزل ءَ) ھیال ءِ نہ اِنت، تھنا یک لس اوست اِنت۔ اے اوست کہ ھمے ھرابیں جاورھالاں اشاں جوانی ءِ تہءَ مَٹ کنگ ءُ من ءَ انچش گمان بیت اِشی ءَ ابید کواس بئیگ ءَ دگہ ھچ بزانت نیست اِنت-


دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

نوکتریں

فیفا ورلڈ کپ: گھانا، برازیل ءُ پرتگال ءَ گوازی کٹ اِتگ انت

دوحہ قطر ءَ فیفا ورلڈ کپ ءِ گوازی برجاہ ، گوستگیں روچ ءَ قطر ءِ جتا جتائیں پٹاں ھشت ٹیمانی میان...

شال: زورانسری آوار جنیانی بگیری ءَ زھرشانی برجاہ

بلوچستان ءِ بنجاھی شھر شال ءَ بیگواھیں مردمانی پانکجنیں گل وائس فار بلوچ مسنگ پرسنز ءِ زھرشانی برجاہ، وی بی ایم...

بلیدہ ءُ گومازی ءَ پاکستانی پوج ءُ ایف ڈبلیو او ءِ سر ءَ اُرش، اُرشانی زمّہ واری بی ایل ایف ءَ منّ اِتگ انت

سربوتگیں ھالانی رِد ءَ گوستگیں روچ ءَ ناشناسیں سلاہ بندیں مردماں بلوچستان ءِ دمگ تمپ گومازی ءَ پاکستانی پوج ءِ بنجل...

زاھدان، ایرانشھر، چھبار ءُ زابل ءَ ایرانی آمیدگس ءِ ھکم ءَ نُھ کس پاھو دیگ بیتگ اَنت

سر بیتگیں ھالانی رد ءَ روکپتی بلوچستان ءِ جتا جتائیں زنداناں ایرانی آمیدگس ءِ ھکم ءَ نُھ کس پاھو دیگ بیتگ...