زاھدان ءَ ایرانی پولیس ءَ یک شھری لَٹ ءُ کُٹ کنگ ءَ پد دزگیر کرتگ ءُ گوں وت برتگ-
سر بیتگیں ھالانی رد ءَ روکپتی بلوچستان ءِ بنجاھی شھر زاھدان ءَ ایرانی پولیس ءَ دگ ءِ کش ءَ نشتگیں مردمانی سر ءَ بیڑ برتگ ءُ چریشی ءَ یک کسے دزگیر کرتگ ءَ گوں وت برتگ-
بیڑ پولیس ءَ ھما وھد ءَ گوستگیں شپ ءَ دگ ءِ کش ءَ سَے ورنا نندوک بیتگ اَنت ھمے وھد ءَ پولیس ءَ لٹ ءُ کُٹ کنگ ءَ پد یک کسے دزگیر کرتگ ءُ دو تتکگ اَنت-
گرگ بیتگیں مردم ءِ پجار زانگ نہ بیتگ –
پولیس ءَ زاھدان شھدربرجاہ ءِ نزیک ءَ بیڑ برتگ اود ءَ شنگ بیتگیں یک تامر بندے ءَ گندگ بیت کہ پولیس یک مردمے لَٹ ءُ کُٹ کنگ اِنت-
روکپتی بلوچستان ءَ مردمانی گرگ ءُ برگ یکشل ءَ برجاہ اَنت گوستگیں سال بزانکہ دوھزار ءُ بیست ءُ یک ءَ داں انیگ ءَ یک سد ءُ سِی ءُ نُھ کس گرگ ءُ برگ بیتگ اَنت کہ جتا جتائیں ادارھاں گپتگ اَنت-