پسنی: مراد جان عثمان ءِ آوار جنگ ءِ ھلاپ ءَ ببرشور ءِ مھلوک ءَ پسنی ءِ زیروپوائنٹ بند کتگ

بلوچستان ءِ تیابدپی شھر گوادر ءِ ھند پسنی ءَ سلاہ بندینن مردمانی دست ءَ آوار جنگ بیتگیں مراد جان عثمان ءِ آوار جنی ءِ ھلاپ ءَ مھلوک ءَ زھرشانی کنان ءَ پسنی ءِ زیروپوائنٹ بند کتگ –

گیشیں ھالانی رد ءَ پسنی ءِ ھند ببر شور ءِ مھلوک ءَ زھرشانی کنان ءَ سندھ ءَ بلوچستان ءِ مزن شھدگ پسنی ءِ زیرپوائنٹ ءَ بند کتگ-

چریشی ءِ سبب ءَ روگ ءُ آیگی مھتل بیتگ اَنت مھلوک مراد جان عثمان ءِ یل کنگ ءِ لوٹ ءَ کنگ ءَ اَنت-

زانگ بہ بیت مراد عثمان گوستگیں روچ ءَ ناشناسیں مردماں لوگ ءِ دپ ءَ آوار جتگ ءُ برتگ –

کھول ءِ گوشگ اِنت گوستگیں روچ ءَ لس پوشاکی مردماں مراد جان لوگ ءِ دیم ءَ آوار جتگ ءُ گاڑی ءَ سوار کرتگ ءُ گون وت برتگ –

کھول ءِ گوشگ اِنت کہ آ یک باپاری مردمے ءُ آئی ءِ آوار جنگ ءُ بیگواہ کنگ ءِ دگہ سبب تنی وھدی دیم ءَ نیتکگ اَنت-