دستونک
هسابجار
دی بلوچستان پوسٹ
چونیں اسرارے ءُ کارے کہ منی ، آپ ءَ گون انت
اهد ، پیمان ءُ کرارے کہ منی ، آپ ءَ گون انت
من وَ دیر انت کہ گوں آپ ءَ، وپا یل داتگ
مُلک تاراج ، دیارے کہ منی، آپ ءَ گون انت
هو من نیستان کہ برے کورے پتار ءُ لیپگ
چونیں اوگامےءُ جارے کہ منی آپ ءَ گون انت
هچ شپ پُل من وتی ھیلءَ ابیل ءَ نئیشتگ
مان آستونکاں چے مارے کہ منی آپ ءَ گون انت
هپت دریا ءَ هما دیماں بہار انت ءُ بلے
وائے هُشکیں وتن دارے کہ منی آپ ءَ گون انت
هر گور ءَ روک انت جبین هچی نہ گواهیت پہ کرار
گند بیگواه انت همک گارے کہ منی آپ ءَ گون انت
من هسا باریں کجام دیم ءَ وتی سر کش ات
اُود ءَ بیلاں گوں سرءُ سارے کہ منی آپ ءَ گون انت