بلوچستان ءِ دمگ کلات ءَ ناشناسیں سلاہ بندین مردمان گیس درکنوکین سائٹ ءِ سر ءَ اُرش کتگ ءُ گیس ءِ چات تراک ءَ ڈروینتگ، چوکیدارانی سلاہ دستیگ کتگ اَنت-
دمگی مردمانی رد ءَ گوستگیں شپ ءَ کلات ءِ دمگ شیخڑی ءَ پیش اتکگیں اُرش ءَ کہ اود ءَ بازیں کچے ءَ سلاہ بند گیس ءِ سر ءَ پھریزوکیں دمگی چوکیدار دزگیر کتگ اَنت-
دمگی مردمانی رد ءَ اُرشکاراں مارگنڈ بلاک ایکس ون ءِ چات تراکناکیں شورو مان کتگ ءُ ڈروینتگ ءُ چوکیدار یلو کتگ ءُ سلاہ گون وت برتگ اَنت-
زانگ بہ بیت شیخڑی ءِ ھند ءَ دوھزار ءُ بیست ءَ دَہ کھرب مکعب فٹ گیس گندگ بیتگ ات اے گوستگیں ھبدہ سالاں چہ دراتکگیں گیس ءَ چہ درستاں گیشتر گیس اِنت سائٹ ءِ سرجمی ءَ ایل ایم جی ءِ درایگ ءَ اشی ءَ نُھ سد ملین ڈالر ءِ بچگ ءِ اندازہ جنگ بیتگ-