بولان ءَ پاکستانی پوج ءِ سر ءَ بوتگیں بمب اُرش ءِ زمّہ واری بی ایل اے ءَ منّ اِتگ

بلوچ سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ بولان پیر اسماعیل ءَ پاکستانی پوج ءِ سر ءَ بوتگیں بمب تراک ءِ زمّہ واری منّ اِتگ –

بی ایل اے ءِ جارکش ءَ وتی درشان ءِ تہ ءَ گوشتگ کہ مئے سرمچاراں مروچی بولان ءِ دمگ پیر اسماعیل منصور ٹاپ ءَ زورگیریں پاکستانی پوج ءِ کارمند تراکناکیں شورو (آئی ای ڈی) نشانگ جوڑ کرتگ انت –

آئی ءَ گوشتگ کہ تراک ءَ چہ زورگیریں پوج ءِ بمب ڈسپوزل اسکواڈ ءِ یک کارمندے ھما دمان ءَ مرتگ ءُ دو زدگ بوتگ انت –

جئیند بلوچ ءَ گوشتگ کہ اُرش ءِ زمّہ واری ءَ مئے گل بی ایل اے منّ ایت ءُ زورگیریں پوج ءِ درآیگ ءُ روگ ءَ تاں مئے جھد ھمے داب ءَ برجاہ مان ایت –