بولان میڈیکل کالج ءِ انتزامیہ بگیری ءَ نودربرانی زھرشانی

بولان میڈیکل نرسنگ کالج ءِ نودربرانی درکنگے بگیری ءَ زھرشانی، نودربراں شھدربرجاہ ءِ دیم ءَ انتزامیہ بگیری ءَ زھرشانی کتگ –

زھرشانی کنوکانی رِد ءَ بی ایم سی نرسنگ کالج ءَ اولی سالے بیست ءُ سَے نودربر دومی سیمسٹر وھد ءَ ھمے گوشتگ ءُ درکتگ انت کہ آ اولی سمسٹر ءَ درکنگ بوتگ انت – زھرشانی کنوکاں گوشتگ کہ نودربراں وھدیکہ اے گیر اکلاکی رویش ءِ سرا زھرشانی کتگ گڈا انتزامیہ آھاں ھاسٹل ءِ تہ ءَ پُترگ ءَ نیلگ انت –

بولان میڈیکل اینڈ ٹیچنگ ایسوسیشن ءَ شھدربرجاہ ءِ انتزامیہ نودربرانی گوم ءَ اے رویش ایرجتگ گوشتگ کہ جانسلامتی ءِ شری ءِ ھاتر ءَ نرسنگ نودربرانی دلبڈی دیگی انت بلے بدبھتی ءَ ھمے نودربر چہ کالج ءَ درکنگ بوگ ءَ انت کہ زانت دژمنی ءِ زانگ بیت –

بی ایم ٹی اے ءِ جارکش ءَ گوشتگ کہ ما چہ بلوچستان ءِ سرکار ءَ لوٹ کنیں کہ نرسنگ نودربرنی جیڑہ گیش گیوار کنگ بہ بنت ءُ اے نودربرانی باندات ءِ تھار کنوکانی بگیری ءَ گامگیج زورگ بہ بیت اگاں ناں بی ایم ٹی اے میڈیکل شھدربرجاہ ءِ انتزامیہ اے رویش ءِ سرا ترندیں زھرشانی کنگ بیت –

آھانی گوشگ ات کہ بی ایم ٹی اے ءَ مدامی لوٹ کتگ کہ میڈیکل شھدربرجاہ ءِ کمک چانسلرے آرگ بہ بیت بید سرکماش ءَ ادارہ چلائینگ بوگ ءَ انت کہ آئی آسر دیم ءَ آیان انت –