مئے زبان بلوچی اِنت
نبشتہ کار: شاھد اھمد
دی بلوچستان پوسٹ
اگاں مئے زبان بلوچی اِنت گڑا ما پرچا بلوچی زبان ءَ گپ ءُ ھبر ءُ نبشتہ نہ کن ایں؟ تَھنا بلوچی پُچّ ءُ پوشاک ، بلوچی پاگ ءُ مزن مزنیں چوٹوھانی دارگ ءَ ما بلوچ نہ بَہ ایں بلکیں بلوچی زبان ءُ آئی ءِ راجدپتر ءِ وانگ ءَ پد ترا اے باور بوگ لوٹ ایت کہ ما بلوچ ایں ءُ بلوچی زبان مئے مات ءُ ماتی زبان اِنت۔
گپے زان اِت زِرد زبان ءِ باڑو اِنت ءُ ھر یک بلوچے ءِ زمہ واری اِنت کہ وتی ھیال ءُ لیکاھاں وتی جند ءِ زبان ءِ تہ ءَ درشان بہ کن اَنت نئیکہ دری زبان ءِ تہ ءَ وت ءَ آئی ءِ پُچ ءُ پوشاک ءُ زبان ءَ ھمگرنچ بہ کن اَنت۔
من تننگا ھچ نہ زان آں من بس نبشتہ کن آں داں کہ من ھیل بہ کن آں ءُ کَسّے نیست کہ منی بلوچی زبان ءِ گالردانی ردیاں راست بہ کنت بیدے واجہ ابدلستار بلوچ ءِ کہ منی نبشتانکانی ردی کَش اِتگ اَنت بلے من انگت ءَ لوٹ آں کہ کَسّے منی نبشتانکانی ردیاں بہ کش ایت۔ گپے زان اِت من یک سکیں نزانتکاریں نودربرے آں بلے منی لوٹ ھمیش اِنت کہ من زَبر بہ باں۔
لھتے روچ پیسر من ءَ لھتے سنگتاں گْوشتگ اَت کہ تو نبشتہ ھما چیزانی بابت ءَ نویس ئے وھدے کہ مئے چاگرد اے چیزانی ھلاپ اَنت اے وڑیں چیز نبشتہ مہ کن اگاں ترا نبشتہ کنگی اِنت گڑا لھتے چیزانی ھیال دارگی اَنت۔ ھھھھ من سرپد بوت آں اینکس اے سنگت ھراب نہ اَت کہ ھراب کُتگ ئِے چون کن اِت مئے چاگرد ءِ تہ ءَ چوشیں ھیال ءُ لیکاھانی مردم تننگا زندگ اَنت کہ ناں وت دیمروئی کُت کنت نئیکہ ترا دیم ءَ نہ اوشتارین ایت۔
بلوچ اگل ءُ ھوش ءَ چِہ زیادہ وتی جبزگاں کار مرز کنت کمے ترا شرپ بکش ایت گڑا تئی دُمبُل بال اِنت۔
تئی شرپ ءُ ازت تئی گوں بلوچی زبان، ءُ بلوچستان ءِ بارو ءَ سرپد بوگ اِنت۔ نان پہ ورگ ءَ نیست چوشیں کَسّے ءِ زبانی دپ بٹاک ءُ بُرز لیکگ ءَ دُردانگ نہ بیت۔ تو چی ئے؟
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔