نوشکی ءُ کلات ءَ بوتگیں اُرشانی زمّہ واری بی این اے ءَ منّ اِتگ انت

بلوچ نیشنلسٹ آرمی ءِ جارکش مرید بلوچ ءَ رسانکدراں شنگ کرتگیں درشان تہ ءَ نوشکی زرین جنگل ءَ پوج ءِ سر ءَ اُرش ءُ سَے اپریل ءَ کلات نیمرگ موبائیل ٹاور ءَ تباہ کنگے زمہ واری منّ اِتگ انت-

جارکش مرید بلوچ ءَ وتی درشان ءِ تہ ءَ گوشتگ کہ مئے سرمچاراں گوستگیں شپ ءَ نوشکی ءِ دمگ زرین جنگل ایف سی بنجلءِ سرا گوں راکٹ ءُ وتکاریں سلاھاں اُرش کتگ- آس داتگیں بازیں راکٹے لشکر ءِ جھمنندی کوٹیانی سرا کپتگ کہ چریشی آسرا دو کارمند مرتگءُ بنجل سکءَ تاوان بار بوتگ-

جارکش ءَ دیمتر ءَ گوشتگ کہ مئے سرمچاراں سَے اپریل ءَ کلات نیمرگءَ یوفونءِ ٹاورے گوں مشینری آں تراکناکیں شورھاں گوں تباہ کتگ- پاکستان ءِ چیریں گل ھمے موبائل ٹاوراں بلوچ جھدکارانی مکبری ءِ ھاترءَ کارمرز کن اَنت ءُ ما دیمترءَ اوں ایشاں نشانگ کن ایں-

جارکش مرید بلوچ ءَ گڈسر ءَ وتی درشان ءِ تہ ءَ گوشتگ کہ مئے جھد داں بلوچستان ءِ آجوئی ءَ گوں ترندیءَ روان کنت-