شال ءَ بیگواھیں مردمانی ھاتر ءَ زھرشانی برجاہ

آمیدگس بلوچانی ھک دیگ ءَ بے سوب بوتگ انت – ماما قدیر بلوچ

بلوچستان ءِ بنجاھی شھر شال ءَ بیگواھیں مردمانی پانکجنیں گل وائس فار بلوچ مسنگ پرسنز ءِ زھرشانی برجاہ، زھرشانی ءَ مروچی چار ھزار ءُ شش سد ءُ سِی روچ سرجم بوتگ انت – زھرشانی بنجل ءَ گل ءِ سرکماش نصراللہ بلوچ ءُ کمک سرکماش ماما قدیر بلوچ ساڑی بوتگ انت ءُ مروچی بی ایس او پجار ءِ سرکماش زبیر بلوچ، طارق بلوچ ءَ ھوار دگہ مردماں بنجل ءَ اتکگ ءُ بیگواھیں مردمانی کھول ءِ گوم ءَ دلپدردی درشانتگ –

ھمے وھد ءَ وائس فار بلوچ مسنگ پرسنز ءِ کمک سرکماش ماما قدیر بلوچ ءَ اتکگیں مردمانی میان ءَ تران کنان ءَ گوشتگ کہ زرینہ مری ءَ ھوار دگہ سدانی کچ ءَ بلوچ زالبول ریاستی زنداناں ازیت سگگ انت کہ ھمک روچ مِر انت ءُ زندگ بنت- سدانی کچ ءَ آوار جنگ بوتگیں مردمانہ جون چگل دیگ بوتگ انت، پاکستان ءِ تہ ءَ نندوکیں مردمانی آوارجنی ءِ تہ ءَ گیشی آرگ بوتگ – بلوچستان تہ ءَ آوار جنی ءِ کچ دومی سوبھاں چہ باز گیشتر انت ھمک روچ کساس دو یا سَے مردم آوار جنگ بنت –

آئی ءَ گوشتگ پولیس اے وئیلانی ارزی نبشتہ کنگ ءَ تُرسیت وھدیکہ بیگواھیں مردمانی کھول آمیدگسانی نیمگ ءَ روانت تُرسینگ ءُ بیھار دیگ بنت اشانی تہ ءَ ریاست ءِ ایجنسی ھوار انت چوش کہ بیگواھیں مردم ھمیشانی کرا چہ یل بنت – ھمے زوتاں حفیظ بلوچ نودربرانی دیم ءَ زورانسری آوار جتگ ءُ گوں وت برتگ نوں آئی ءِ سر ءَ دروگیں ارزی ءِ نبشتہ کنگ ءُ آ پولیس ءِ ھوالگ ءَ کنگ بوتگ –

آئی ءَ دیمتر ءَ گوشتگ کہ آمیدگس بلوچانی ھک دیگ ءَ بے سوب بوتگ انت – لھتے وش بھتیں مردم چہ آزار جاھاں دراتکگ ءُ آھاں وتی سر ءَ بوتگیں زوراکیانی کسہ کتگ انت ءُ میاں استمانی ادارہ ءُ ایونٹس ھم پیش بوتگ انت – ما ھمے لوٹ ءَ کنیں کہ میاں استمانی ادارہ ھمے گواھانی بنیاد ءَ چہ پاکستان ءُ آئی ءَ ادارھاں پسو بہ لوٹ انت –

شال:زورانسری بیگواھیں مردم شھیدانی شُدکشیں زھرشانی گدان ءَ 4630 روچ سرجم بیتگ۔ پنچ شمبے ءِ روچ ءَ شُدکشیں گدان ءَ وی بی ایم پی ءِ سرکماش نسراللہ ءُ کمک سرکماش ماماکدیر ساڑی بیتگ اَنت، بی ایس او پجار سرکماش زبیر،تارک ءُ آدگراں گدان ءَ اتکگ ءُ گوں بیگواھیں مردمانی کھولاں ھمدردی درشان کُرتگ۔

اے درگت ءَ وی بی ایم پی ءِ کمک سرکماش ماماکدیر تران کُرتگ ءُ گْوشتگ کہ زرینہ مری ءَ ھوار سدانی کچ ءَ جنین پاکستان ءِ آزار جاھاں زوراکیانی دیمپان اَنت۔ سدانی کچ ءَ بیگواھیں مردمانی ژانگولیں لاش چگل دیگ بیتگ اَنت۔ پاکستان ءَ شھریانی آوار جنگ ءُ بیگواہ کنگ تیز کنگ بیت۔ بلوچستان ءَ مردمانی بیگواہ کنگ ءِ کچ چہ آدگہ جاھاں گیشتر اِنت۔ھمک روچ دو سَے مردم زورانسری آوارجنگ ءُ بیگواہ کنگ بیگ ءَ اِنت۔پولیس اے وئیلانی ارزیاں نبشتہ نہ کنت۔وھدے بیگواھیں مردمانی کھول آمیدگس یا کمیشن ءِ کِر ءَ رو اَنت گڑا بیھار دیگ بنت۔انیگیں روچاں نودربر ھپیز چہ نودربرانی دیم ءَ آوار جنگ ءُ بیگواہ کنگ بیتگ ءُ نوں آئی ءِ سر ءَ بےسر ءُ دروگیں بُھتامانی ارزی یے نبشتہ کنگ ءُ پولیس ءِ دست ءَ دیگ بیتگ۔

آئی گْوشتگ کہ آمید بلوچانی ھک دیگ ءَ بےسوب بیتگ اَنت۔چہ پاکستان ءِ آزارجاھاں لھتیں وش بھتیں مردم آجو بیتگ ءُ آیاں دردناکیں آزارانی گپ کُرتگ ءُ جھانی اداراھانی بازیں مراگش ءُ دیواناں ھم شُتگ اَنت۔ ما لوٹ کن ایں کہ ھمے منانکانی بُنیاد ءَ جھانی ھکپانیں ادارہ پاکستان ءُ آئی ءِ ادارھاں جُست بہ کن اَنت۔