ریکوڈک مسام ءَ نہ منّیں، ریکوڈک پھازگی کمپئین ءِ رد ءَ زرمبشت ءِ جُنزین ایں- بی وائی سی

بلوچ یکجھتی کمیٹی ءَ رسانکدراں ریکوڈک مسام ءِ درگت ءَ وتی شنگ کرتگیں درشان ءِ تہ ءَ گوشتگ کہ ریکوڈک بلوچ راج ءِ مڈی انت بُنجاھی ءُبلوچستان ءِ سرکار ءَ اے ھک نیست کہ آ بلوچ راجی مڈیاں بلوچ راج ءِ منّگ ءَ ابید بھا بہ کنت –

درشان ءَ دیمتر ءَ گوشگ بوتگ کہ بلوچ یکجھتی کمیٹی اے وتگڑیں ریکوڈک مسام ءَ نہ منّیت ءُ اے درگت ءَ ما ریکوڈک پھازگی کمپئین ءِ رِد ءَ دگہسیاسی گل ءُ رھشوناں گوں ھوار بئیں اشی ءِ بگیری ءَ زرمبشت ءِ جُنزین ایں ءُ راج ءَ اشی ءِ درگت ءَ سرپدی دئیں – 

درشان ءِ تہ ءَ گوشگ بوتگ کہ اے وتگڑیں مسام گیرکانودی ءُ بے رھبندی یے ءُ بلوچ راج ءِ مڈیاں ارزانیں نھاداں بھا کنگ اِنت – بلوچ راج ءَ لوٹیتکہ اے مسام ءِ بگیری ءَ زرمبشت ءِ ھمراہ داری ءَ بہ کن انت –