بلوچ آشوبی گُشندہ ءُ بلوچی ءُ براھوئی زبان ءِ تہ ءَ سوت گشوکیں مزن نامیں اُستاد میر احمد بلوچ ءِ سوت جھان ءِ جتا جتائیں آنلائن سوتی پلیٹ فارمانی تہ ءَ شنگ بیتگ اَنت کہ اِشانی سپوٹی فائی ءُ ایپل میوزک ھم ھوار اَنت۔
ٹی بی پی چاگردی اھوالکار ءِ رد ءَ بلوچ آشوبی گُشندہ اُستاد میر احمد ءِ نوکتریں سوت کہ گوستگیں روچاں ماں آئی ءِ ساونڈ کلاوڈ ءَ چینل ءَ مدامی وڑ ءَ شنگ بیتگ اِت اَنت۔
نوں اے سوت ساونڈ کلاوڈ ءَ ھوار امیزون میوزک، ایپل میوزک، آئی ھرٹز ریڈیو، ڈیزر ءُ سپوٹی فائی ءَ ھوار دگہ بازیں آنلائن پلیٹ فارمانی تہ ءَ پہ گوشداروکاں ایر گیجگ بیتگ اَنت۔
اھوالکار ءِ رد ءَ اُستاد میر احمد بلوچ ءِ آفیشل ساونڈ کلاوڈ چینل ءِ تہ ءَ اُستاد میر احمد ءِ گیشتریں بلوچی ءُ براھوئی سوت پیسر ءَ چہ بیتگ اَنت۔ نوں اے سوت جتا جتائیں ءُ مزن نامیں سوتی پلیٹ فارمانی تہ ءَ ھم گُوشدارگ بنت۔