وائس فار بلوچ مسنگ پرسنز ءِ شدکشیں ھرتال ءَ چار ھزار ءُ شش سد ءُ چار روچ سرجم بیتگ، ھمے وڑ ءَ شدکشیں ھرتال ءَ بیگواھیں فیاض علی، ارشد بنگلزئی، راشد بنگلزئی، آصف ءُ رشید بلوچ ءِ کھول نشتگ اَنت-
مروچی بنجل ءَ ھمدردی ءِ واستا سیاسی ءُ چاگردی باسک حاجی ظریف خان مندوخیل، بور مھمد کاکڑ ءُ دگہ مردم ھوار بیتگ اَنت-
ھمے وھد ءَ وی بی ایم پی ءِ کسان کمک سرکماش ماما قدیر بلوچ ءَ گپ کنان ءَ گوشتگ کہ بلوچ گوھار وتی دوستگیں مردمانی یل کنگ ءَ یکشل ءَ جد ءُ جھد ءَ اَنت – بلوچستان ءَ انسانی ھکانی لگتمالی، زورانسری آوار جنی ءُ زانگول کرتگیں جونانی دزکپگ ءَ میان اُستمان، میان اُستمانی ھمسنت ءُ میان اُستمان ءِ مھلوک ھروھد ءَ دلگوش کتگ –
آئی ءَ دیمتر ءَ گُشتگ ما میان اُستمان ءُ میان اُستمانی انسانی ھکانی ادارہ ءَ گوں دزبندی کن ایں بلوچستان ءَ ریاستی زوراکی ءُ رستریانی دارگ ءِ ھاتر ءَ ترندیں گامگیج بہ زور اَنت-