بلوچستان ءِ بنجاھی شھر شال ءِ ھند سریاب ءَ مل کالونی ءِ نزیک ءَ بمب تراکے بیتگ، چریشی ءِ آسر ءَ پورسز ءِ دو کارندہ زدگ بیتگ اَنت-
دمگی مردمانی رد ءَ تراک گشت کنوکیں کارندھانی سر ءَ کنگ بیتگ ءُ چریشی ءَ دو کارندہ زدگ بیتگ اَنت-
زدگ بیتگیں کارندہ ھسپتال ءَ برگ بیتگ اَنت ءُ ھمے وڑ تراک ءَ نزیکیں ماڑیانی شیشگاں تاوانباری بیتگ-
بمب ڈسپوزل اسکواڈ ءِ رد ءَ بمب دیسی ساختہ ءُ ریمورٹ کنٹرولے بیتگ کہ سیکورٹی پورسز ءِ نشانگ کنگ ءِ واستا اود ءَ پرپٹے ءَ بندوک بیتگ –
تراک ءِ زمہ واری تنی وھدی کس ءَ نہ منّ اِتگ –