شال ءَ مساپر بریں بس ءِ سر ءَ تیرگواری ءَ چار مردم بیران ءُ ٹپی بوتگ اَنت

بلوچستان ءِ دمگ زیارت ءِ ھند ءَ مساپر بریں بس ءِ سر ءَ تیرگواری ءِ وئیل ءَ دو مردم بیران ءُ وھدے کہ دو ٹپی بوتگ اَنت-

دمگی مردمانی رِد ءَ زیارت زندرہ ءِ ھند سر ءَ بس ءِ تہ ءَ سواریں مردمے ءَ تیرگواری کتگ ءُ دو مردم کُشتگ اَنت ءُ وھدے کہ دو ٹپی بوتگ اَنت-

بیران بوتگیں مردمانی تہ ءَ بس ءِ ڈرائیور ءُ منشی ھوار اَنت وھدے کہ دگہ مساپر ٹپی بوتگ اَنت-

دمگی واکدار وئیل جاہ ءَ سر بوتگ اَنت لاش دستیگ کتگ ءُ ٹپی نادُراھجاہ ءَ سر کتگ اَنت-

دمگی واکدار ءِ رِد ءَ اُرشکارانی پٹ ءُ پول برجاہ ءَ اِنت ءُ وئیل سوب انگت زانگ نہ بوتگ-

دمگی واکدار ءِ رِد ءَ مساپر بریں بس چہ شال ءَ ملتان ءَ روگ ءَ بوتگ-