جعفر آباد ءَ تراک، پولیس کارمنداں ھوار ھبدہ مردم زدگ

بلوچستان ءِ دمگ جعفر آباد ءَ دزبمب تراکے ءِ آسر ءَ ھبدہ مردم زدگ بیتگ اَنت –

ھالانی رد ءَ جعفر آباد ءِ دمگ ڈیرہ اللہ یار ءَ سھبت پور چوک ءَ یک ترندیں تراکے بیتگ، چریشی ءَ دو ٹریفک پولیس ءِ کارمنداں ھوار ھبدہ مردم زدگ بیتگ اَنت-

پولیس ءِ رد ءَ جعفر آباد ءِ تراک جاہ ءَ انتزامیہ سر بیتگ ءُ زدگ بیتگیں مردم نادراہ جاہ ءَ برگ بیتگ اَنت ءُ تراک ءِ پَٹ ءُ پول ءَ پولیس کنگ ءَ اِنت-

زانگ بہ بیت مروچی بلوچستان ءَ بیوکیں تراکاں اے دومی تراک اِنت اشی ءَ پیسر ھرنائی ءِ ھند تکڑی ءَ یک بمب تراکے بیتگ اَت-

دکء ءِ دمگ تکڑی ءَ راہ ءِ سر ءَ کلیں شوروانی تراک ءَ دمگی رھشون مھمد لونی ء دوست مھمد لونی جنگ بیتگ اَت-

لیویز ءِ رد ءَ ٹکی رھشون خواج مھمد لونی دکی ءَ روگ ءَ بیتگ کہ پیسر ءَ کلیں شوروانی زد ءَ اتکگ ءُ چریشی ءَ آئی ءِ پیک آپ گاڑی تراک ءِ زد ءَ اتکگ ءُ آ زدگ بیتگ ءُ نادراہ جاہ ءَ برگ بیتگ ءُ راہ ءَ آئی ءَ درد نہ سگ اِتگ ءُ بیران بیتگ ءُ لاش اژدری چار ءُ ٹپاس ءَ پد کھول ءِ دست ءَ دیگ بیتگ –