پاکستانی لشکر ءِ دست ءَ دو سال پیسر بیگواہ بیتگیں مردم یل بیگ ءَ پد نادراھیانی آماچی ءِ سبب ءَ بیران بیتگ۔
اھوالانی رد ءَ دو سال پیسرلشکریانی دست ءَ زورانسری بیگواھی ءِ آماچ بیتگیں آغا امید شاہ کراچی ءَ الاج ءِ نیام ءَ بیران بیتگ۔
آغا امید شاہ دو سال پیسر لشکریاں چہ بلوچستان ءِ بنجاھی شھر شال ءَ دزگیر کنگ ءَ پد زورانسری بیگواھی ءِ آماچ کتگ اَت ءُ یک ماہ ءِ پیسر سکیں نادراھیں جاورانی تہءَ یل کتگ اَت۔
اھوالانی رد ءَ آغا امید شاہ دزگیری ءِ نیام ءَ ترندیں لَٹ ءُ کُٹانی آماچ کنگ ءَ پد نادراھی ءِ جاورانی تہءَ گوستگیں ماہ ءَ یل کتگ اَت کہ آ الاج ءِ نیام ءَ کراچی ءَ بیران بیتگ۔