چہ سکھر ءَ دیم پہ شال ءَ روکیں پی ایس او ءِ آفیسر بیگواہ

چہ سکھر ءَ دیم پہ شال ءَ روکیں پاکستان اسٹیٹ آئل (پی ایس او) ءِ فیلڈ آفیسر عبدالمعید ڈرائیور نوید مھر ءِ ھمراھی ءَ بیگواہ، آئی ءِ پون نمبر بند ءُ آئی ءِ گاڑی جیکب آباد ءَ دزکپتگ –

گیشیں ھالانی رد ءَ سکھر ءَ دیم پہ شال ءَ روکیں پی ایس او ءِ فیلڈ آفیسر عبدالمعید پنام ءِ تنویر سومرو ءُ ڈرائیور نوید مھر ءِ ھمراھی ءَ بلوچستان ءِ ھند ءَ ناگتی بیگواہ بیتگ –

کھول ءِ رد ءَ عبدالمعید سومرو سھب ءَ چہ سکھر ءَ گاڑی ءِ درائیور نوید مھر ءِ ھمراھی ءَ شال ءَ روگ ءَ بیتگ ءُ ھردوکانی پون نمبر بند اَنت ءُ آیانی گاڑی جیکب آباد ءَ دزکپتگ –

کھول ءِ آوار جنی ءِ گمان پدر کرتگ ءُ مزن واکداراں گامگیج زورگ ءِ لوٹ کرتگ –