وتگڑیں وزیر اعلیٰ بلوچستان ءَ ھچ رنگیں گپ ءُ تران بیگ ءَ نہ اِنت – بی ایل ایف

بلوچستان لبریشن فرنٹ ءِ جارکش میجر گوھرام بلوچ ءَ گوشتگ کہ زیردستیں بلوچستان ءِ وتگڑیں وزیرعلیٰ میر عبدالقدوس بزنجو ءَ“ عرب نیوز” ءِ گون ءَ یک گلگدارے ءَ ٹاہ داتگ کہ آ بی ایل ایف ءَ ھوار بلوچ آجوئی دوستیں گلاں گپ ءُ تران ءَ اَنت – بی ایل ایف قدوس بزنجو ءِ اے ٹاہ ءَ سیاھیں دروگ کنت ءُ اشی ءَ رد کنت –

میجر گوھرام بلوچ ءَ گُشتگ کہ ریاست پاکستان ءُ آئی ءِ وتگڑانی گون ءَ نا رھوت ءُ نا نزیکی ھست اِنت –

آئی ءَ گُشتگ کہ بلوچ راج ءِ گران بھائیں دیمونی بلوچستان ءِ آجوئی اِنت ءُ آجوئی ءِ بنگپ ءَ گپ ءُ تران، یا دگہ مسام ءُ دگہ چیزے ءِ سر ءَ دلجم کنگ قدوس بزنجو ءِ وڑیں وتگڑانی واک ءَ نہ اِنت –

میجر گوھرام بلوچ ءَ گُشتگ کہ وتی راجی مڈیانی سر ءَ زورگریں پاکستان ءِ گون ءَ کسان بھرے ءِ بارو ءَ جیڑگ نا ایوک ءَ بلکیں بلوچ راج ءِ مزن نامیں دیمونیانی کمشرپی اِنت قدوس بزنجو وتی واجھاں چوشیں دروگ بندگ ءُ آیاں وش کنگ اِنت –