بلوچستان ءِ کیچ دمگ ءِ شاپک ھنکین ءَ گوستگیں شپ ءَ سلاہ بندیں مردماں پاکستانی پوج ءِ بُنجل اُرش ءِ تہءَ نشانگ کُتگ۔
اھوالانی ردءَ شاپک بُنجل ءِ سرءَ اُرش ءَ پد اُرش کار در اَتکگ ءُ شُتگ اَنت وھدیکہ پوج ءُ اُرش کارانی نیام ءَ داں دیرءَ تیرگواری جُنز اِتگ، ھمے نیام ءَ تراکانی ھم توار اِش کَنگ بیتگ۔
اُرش ءِ زمہ واری داں انگت ھچ گلءَ نہ من اِتگ وھدیکہ چہ اِشی ءَ پیسر ھم اَے دمگانی تہءَ بلوچ آجوئی لوٹوکیں سلاہ بندیں گلاں لشکریانی سر ءَ اُرش کُتگ اَنت۔