شال ءَ پولیس کارمندانی سر ءَ بوتگیں اُرش ءِ زمّہ واری یو بی اے ءَ منّ اِتگ

نواں کلی ءَ پاکستانی پولیس کارمند تراک ناکیں شوروانی نشانگ جوڑ کتگ ءُ دو کُشتگ اَنت – مزار بلوچ

آجوئی لوٹوکیں گل یونائیٹڈ بلوچ آرمی ءِ جارکش مزار بلوچ ءَ رسانکدراں وتی شنگ کرتگیں درشان ءِ تہ ءَ بلوچستان ءِ بنجاھی شھر شال نواں کلی پولیس ءِ سر بوتگیں اُرش ءِ زمّہ واری منّ اِتگ گوشتگ کہ مئے سرمچاراں مروچی ادار یازدہ ءُ پنجاہ ءَ پاکستانی پولیس کارمند تراک ناکیں شوروانی نشانگ جوڈ کتگ انت –

جارکش ءَ گوشتگ کہ اُرش ءَ زورگیریں ریاست ءِ دو پولیس کارمند مُرتگ ءُ وھدیکہ دو سک باز زدگ بوتگ – اُرش ءَ زورگیریں ریاست ءَ مدامی وڈا وتی تاوان ءِ چیر دئیگے ھاتر ءَ دمگ وتی انگیر ءَ کتگ ءُ لشکر کشی بندات کتگ –

گڈسر ءَ جارکش ءَ وتی درشان ءِ تہ ءَ گوشتگ کہ مئے اُرش بلوچستان ءِ آجوئی ءَ تاں برجاہ مان انت –