بولان ءَ پاکستانی پوج ءِ سر ءَ بوتگیں اُرش ءِ زمّہ واری بی ایل اے ءَ منّ اِتگ

تراک ناکیں شوروانی اُرش ءَ زورگیریں پوج ءِ چار کامند کُشتگ ءُ دو زدگ کتگ – جئیند بلوچ

بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ مئے سرمچاراں بولان ءِ دمگ شاھرگ ءَ زورگیریں پاکستانی پوج ءِ فرنٹیر کور ءِ یکسد ءُ سِی نھ ءِ ونگ ءں کاروان چیرکتگیں تراک ناکیں شوروانی نشانگ جوڈ کرتگ ءُ چار کارمند کُشتگ دو زدگ کرتگ –

آئی گوشتگ کہ دژمن پوج ءِ گاڑی شاھرگ ءِ دمگ سفرباش ءَ ھما وھد ءَ نشانگ جوڈ کنگ بوتگ کہ آ چپ چاگردی دمگاں لشکر کشی ءَ پد واتر بوتگ – تراک ءِ آسر ءَ زورگیریں پوج ءِ کارمند حسین رحمت، محمد سلیم، ماجد فرید، ءُ زاکر مرتگ انت وھدیکہ پوج ءِ کپٹن اویس ءُ لیفٹیننٹ لقمان سک باز زدگ بوتگ انت اُرش ءَ دژمن پوج ءِ یک گاڑی ءِ سرجمی ءَ تباہ بوتگ –
جارکش ءَ گوشتگ کہ دژمن پوج ءِ سر ءَ بوتگیں اُرش ءِ زمّہ واری ءَ مئے گل بی ایل اے منّ ایت ءُ دژمن پوج ءُ آئی ءِ کمک کارانی سر ءَ مئے اُرش تُرندی ءَ گوں برجاہ بنت –