نبشتانک نمدی: نمدی یے پہ منی وابانی پری گُل ءَ
نبشتہ کار: شاھنواز بلوچ
دی بلوچستان پوسٹ
دروت ءُ دراھبات ئے منی وابانی پری! اُمیت کناں کہ تو وش ءُ شادمان ئے دوا کناں گوں پاکیں پروردگار ءَ تو ھچبر سَکی ءُ سوریانی دیمپان مہ بات ئے مرچی ایں روچ یک شمبے Sunday روچ انت ساھت: 20 : 4 اِنت رَمس 19ستمبر 2021 اِنت من ءَ مرچی تو بے کساس یات پیداکے،من ترا باز یات کنگ ءَ اوں-
من نَد پہ تئی یاتاں نبشتہ کنگ ءَ چست کُت ءُ منی نَد ھم نبشتہ کنگ ءِ ڈول ءَ نہ اِنت کہ من پہ ترا چی نبشتہ بکناں مروچی ءَ چہ 2 سال پیسر من ءُ تو ھر دو یک جاہ ھور نشتگوں ءُ گپ ءَ اِت اِیں تو من ءَ را گُشت یا کسمت منی ءُ تئی سور بہ بیت ترا منی زالمیں برات پہ من بزور اَنت پہ سانگ ءَ اے ساھت ءَ من پھک ھاموش بوتوں ھچ نہ گُشت بس تئی گپاں گوشدارگ ءَ اِتاں پد -ءَ دیراں چہ پد من ترا گشت تئی گپ ھمیش اَنت ؟تو گشت ھو
من گشت شر اِنت من وتی واست ءَ ترا الم لوٹاں تو کمو گل بیت ئِے پد ءَ باز گمیگ بوت ئے من باز ھیران بوتوں تئی وش بوگ ءُ پد ءَ تئی ملوری من ھما ساھت ءَ ترا گشت شر اِنت من نوں رواں من گپ کُت تو وت ءَ ر ا مُلور کت من ترا ملوری ءَ چار اِت نہ کناں تو وتی ملوری گپ ھم گوں من ءَ نہ کُت اَنت من وتی پری گل ءَ رکست کت شُتاں ءَ ۔
دگہ روچے پد ءَ ڈیک وارت تو من ءَ ھمے گُشت تو من ءَ باز دوست بے من وتی زندگی ءِ درستیں واھشت ءُ پہ تئی نام ءَ قربان کُت اَنت داں گڈی ءَ تئی زندگی ھمسپر باں۔
یکیں منزل ءِ شوھازگ ءَ من ءُ تو دست ما دست باں ھور رواں گوں بدیں لشکر ءِ دیم ءَ جنگ کناں داں گُڈی تیر ءَ بلے تو من ءَ اوں منی زندگی ءِ ھمراہ دُروھت ءُ گوں من ءَ بے وپائی کُت ءُ من ءَ گُشت من نوں دل ءَ چہ در کن من نوں تئی نیاں ءُ کدی ھم نباں-
من ءَ برات ءَ نوں دگہ جاہ ءِ سانگ دات تو چُش بہ کن من ءَ وتی زندگی چہ در کن من ءَ بے ھیال کن اے پہ ترا شر تر اِنت ۔
گوں اِے گپاں من پری گُل ءَ گُشت تو گوں من ءَ کول کتگ من داں گُڈی ساہ ءَ گوں ترا بے وپائی نہ کناں منی اے گپاں گوں منی پری گُل ءَ ھیسکارگ ءِ جُت ءُ گشت تو من ءَ دل بہ بر مئے دود ءُ ربیدگ چُش نہ اَنت کہ من وتی گس ءِ برات ءِ پت ءِ گپ ءَ مہ زوراں گڑا اے چاگرد من ءَ بدیں لبزاں گوں یات کنت کہ گُشیت دُر مھمد ءِ جنک وتی پُت ءُ برات ءَ نہ مَن اِیت گوں پلانی وتی مرزی ءَ سور کنت من چُش کُت نہ کناں نہ تئی گُپ ءَ منی مردم گُوش داراں-
تو من ءَ اڑے دل ءَ بہ بر من ءَ پھل بکن من ترا دھوکہ دات تو ھمے سرپد بو من پہ ترا مُرتگاں اے دگنیا ءَ نیستاں او منی پری گُل من مروچی اے نمدی ءِ تہ ءَ ترا ھال دیگ لوٹاں من ترا نوں دل ءَ برتگ برو تو نوں آزات ئے من زاناں تو وانگ نہ زان ئے بلے اے نمدی ءَ الم یکے ءَ بدے تئی دیم ءَ وان اِت ئے-
من ترا دگہ گپے ھال دیاں گوں من انگت ءَ دم نہ برتگ آں ءُ بلوچ راجی جُنزے یک سیاسی ورکرے آں بسات گوں بلوچ راجی جنزاں ھمگرنچ اوں انگت ءَ من روچ ءُ شپ بلوچستان بلوچستان کنی ءُ بلوچ راجی جنز ءِ دیم ءَ برگ ءِ ھاترا ھر وڑیں کربانی ءَ چَک ءُ پد نہ باں اگاں منی وابانی پری گل اے نمدی اگاں تئی دیم ءَ گوست الم ءَ یکے ءَ بدئے وان اِت ئے من ءَ را نوں تئی گم نہ اِنت من ءَ منی ماتیں وتن پُلیں بلوچستان ءِ گم انت بلوچستان ءِ پُسگ من ءَ را ھما مھراں دئے اَنت نوں من ءَ تئی مھرانی ھاجت نہ اِنت-
سلامت بات ئے
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔