آواران: کنیرہ پیر اندر ءَ پاکستانی پوجی کاروان نشانگ کتگ ءُ یازدہ کارندہ کشتگ اَنت – بی ایل ایف

آواران ءَ پاکستانی پوج ءِ سر ءَ بیتگیں اُرش ءِ زمہ واری بلوچستان لبریشن فرنٹ ءِ جارکش میجر گوھرام بلوچ ءَ منّ اِتگ –

بی ایل ایف ءِ جارکش میجرگوھرام بلوچ ءَ رسانکدراں شنگ کرتگیں درشان ءِ تہ ءَ گُشتگ آدینگ ءِ بیگاہ ءَ سرمچاراں آواران پیراندر ءِ ھندر کنیرہ ءَ سنگر گپتگ ءُ پوجی کاروان ءِ چار گاڑی ءُ چار پَرپٹ نشانگ کرتگ اَنت – یک گاڑی اُرش ءِ زد ءَ اتکگ ءُ کلٹی بیتگ ءُ پرپٹ سواریں کارندہ ھم نشانگ ءَ اتکگ اَنت – چریشی ءَ یازدہ کارندہ ھما جاہ ءَ مرتگ اَنت –

جارکش ءَ گُشتگ چریشی ءَ پد سرمچاراں مزنیں سلاہ ءُ راکٹانی گون ءَ کاروان ءَ ھواریں آ دگہ گاڑی نشانگ کتگ اَنت – چریشی ءَ یازدہ کارندہ جاہ پہ جاہ ءَ مرتگ اَنت ءُ بازیں کچے ءَ زدگ بیتگ اَنت –

آئی ءَ گُشتگ کہ دشمنیں زورگریں پوج ھروھد ءَ وتی جانی تاوانانی چیر دیگ ءِ جھد ءَ کنت دانکہ آئی ءِ پروش وارتگیں پوجی کارمندانی ھاٹیگ مہ پروش ایت،بلے جنگ ءِ وھد ءَ جاڑیگیں کارمنداں الکاپی ءَ اُرش ءِ ترندی سما کپ ایت اِنت – پشتون ءُ دگہ مھلوک پاکستانی جنگی جرماں ھوار مہ بنت کہ آئی ءِ دست زیردستانی ھوناں گوں ھمرنگ اَنت –

زیردستیں بلوچستان ءِ آجوئی ءَ داں زورگریں لشکر ءِ سر ءَ اُرش برجاہ مان اَنت –