رسانکدراں وتی شنگ کرتگیں درشان ءِ تہ ءَ سی ٹی ڈی ءَ تربت ءِ تہ ءَ سَے مردمانی دزگیر کنگ ءِ ٹاہ داتگ، سی ٹی ڈی ءِ رِد ءَ ھر سئیں مردم گوادر ءَ چینی کاروان ءِ سر ءَ بوتگیں اُرش ءَ ھوار بوتگ انت ءُ آھانی گور ءَ سلاہ ءُ گولہ، تراک ناکیں مواد ھم دست کپتگ ءُ اشانی تہ ءَ ھم یک وتکُش کنوکے گون بوتگ-
جارکش ءِ رِد ءَ ناشرکاری ءِ اے وئیلان ھواریں ماسٹرمائینڈ ھمساھگیں ڈیھانی تہ ءَ ساڑی انت –
زانگ بہ بیت سی ٹی ڈی نیمگ ءَ دروگیں میڑ ءِ نام ءَ جنگ بوتگیں درسیں مردم پیسر ءَ چہ آوار جتگیں مردم بوتگ انت کہ بلوچستان ءِ جتا جتائیں دمگاں پاکستانی پوج ءَ چیریں ادارھاں آوار جتگ ءُ بیگواہ کتگ انت –
سی ٹی ڈی ءِ نیمگ ءَ پیشی ءُ مروچیگیں دزگیر بوتگیں مردمانی نام ءَ دیم ءَ آرگ نہ بوتگ اَنت سیاسی ءُ چاگردی تک ءُ پھناتاں سیادی داروکیں مردمانی گوشگ انت اے ھم لس مھلوک بنت ءُ سی ٹی ڈی دیمتر ءَ اشاں سلاہ بندیں گلاں گوں بندوک کنت ءُ پد ءَ جنت ءُ جوناں چگل دنت –